Qazaqstan-Qytaı shekarasyndaǵy «Qorǵas» yntymaqtastyq ortalyǵyna bıyl 2 mıllıonnan astam adam kelgen
ASTANA. KAZINFORM – 2024 jyl Qytaıda Qazaqstan týrızmi jyly bolyp jarııalanǵandyqtan Qazaqstan-Qytaı shekarasynda ornalasqan «Qorǵas» yntymaqtastyq ortalyǵyna týrıster kóptep kele bastady.
Qytaılyq «ChinaNews» habarlaǵandaı, osy jyldyń qańtar-mamyr aılary aralyǵynda yntymaqtastyq ortalyǵyna kelýshiler sany 2 mıllıonnan asyp, ótken jyldyń sáıkes kezeńimen salystyrǵanda 148 paıyzǵa artqan.
«Qorǵas» yntymaqtastyq ortalyǵyna kirip-shyǵatyn eki eldiń týrısteri negizinen transshekaralyq týrızm men shoppıngpen aınalysady.
Qytaı-Qazaqstan Qorǵas halyqaralyq shekaralyq yntymaqtastyq ortalyǵynyń jalpy aýdany 5,6 sharshy shaqyrym jáne Qytaıdan, Ortalyq Azııadan jáne Eýropa elderinen 10 000-ǵa jýyq taýar túrin biriktiretin 200-den astam bajsyz kompanııa men 1000-nan astam saýdagerdi biriktiredi.
Yntymaqtastyq ortalyǵy aıasynda eki eldiń azamattary men úshinshi eldiń azamattaryna vıza qajet emes, pasport bolsa jetkilikti. Týrıster osy aýmaqta saýda-sattyq jasap, taýar satyp alady, ár adam kúnine 490 000 teńge shamasynda （8 myń ıýan）bajsyz taýar tasymaldaı alady.
