Qazaqstan-Qytaı shekarasy ýaqytsha jabylady – MKK
Táýelsizdik merekesi jáne jańa jylda Qazaqstan men Qytaı shekarasyndaǵy kólik ótkizý pýnktteri jumys istemeıdi, dep habarlaıdy Kazinform.
Memlekettik kirister komıtetini aýa raıy jaǵdaıyn eskerip, júkti tasymaldaý marshrýtyn aldyn ala josparlaýdy jáne ótkizý pýnktterine brondalǵan kúni kelýge keńes berdi.
«Qazaqstan-Qytaı shekarasyndaǵy avtomobıl ótkizý pýnktteri arqyly júk avtokólik quraldaryn ótkizý «CarGoRuqsat» (https://cgr.qoldau.kz/ru/start/) avtomattandyrylǵan elektrondyq kezek júıesinde ótkizý kúnin brondaý arqyly júzege asyrylatynyn nazarlaryńyzǵa salamyz», - delingen habarlamada.
Sondaı-aq MKK eki memleket arasyndaǵy kelisimge sáıkes, 2023 jylǵy 16-17 jeltoqsanda Qazaqstannyń Táýelsizdik kúnin jáne 2024 jylǵy 1-2 qańtarda jańa jyldy merekeleýge baılanysty Qazaqstan-Qytaı shekarasyndaǵy avtomobıl ótkizý pýnktterinde adamdardy, kólik quraldary men júkterdi ótkizý júzege asyrylmaıtynyn habarlaǵan.
Qazaqstan-Qytaı shekarasyndaǵy temirjol ótkizý pýnktteri shtattyq rejımde jumysyn jalǵastyra beredi.
