Qazaqstan Qytaı men Eýropa arasyndaǵy tranzıttiń 70 paıyzyn qamtamasyz etedi — Nıderland elshisi
ASTANA. KAZINFORM — Qazaqstan Respýblıkasyndaǵy Tótenshe jáne ókiletti elshisi Nıko Shermers Qazaqstannyń Orta dálizdegi strategııalyq rólin atap ótti. Dıplomat bul týraly Astanada ótken Qazaqstan–Nıderland Іskerlik keńesiniń II otyrysy aıasynda málimdedi.
Elshi Qazaqstannyń Orta dáliz marshrýty boıynsha erekshe strategııalyq mańyzyna toqtaldy.
— Búginde Qazaqstan Qytaı men Eýropa arasyndaǵy qurlyqtyq tranzıttiń 70 paıyzyn qamtamasyz etedi. APM Terminals sııaqty iri nıderland kompanııalary bul baǵytta Aqtaý men Quryq porttaryn damytýǵa qazirdiń ózinde úles qosyp otyr, — dedi ol.
Sondaı-aq elshi ótken apta ǵana Nıderlandyda 160 mıllıon eýro turatyn jańa kelisimsharttar jasalǵanyn habarlady.
— Qazaqstan Ortalyq Azııadaǵy mańyzdy el. Bizge munaı-gazdan ózge salalarǵa, ıaǵnı sý sharýashylyǵyna, aýyl sharýashylyǵyna kóshý tıimdi. Nıderland Qazaqstandaǵy eń iri sheteldik ınvestor jáne bul qyzmetti áli de jalǵastyrýǵa nıettimiz, — dep túıindedi sózin Shermers.
Aıta keteıik, buǵan deıin, ol elimiz tsıfrlandyrý salasynda Nıderlandyǵa úlgi bola alatynyn aıtqan edi.
