Qazaqstan Qytaı men AQSh-tyń sý tasqynyna qarsy kúrestegi tájirıbesin zertteıdi
ASTANA. KAZINFORM – Aýyl sharýashylyǵy mınıstrligi tasqyn sýdy aýyl sharýashylyǵynda paıdalaný joldary týraly habarlady.
«Memleket basshysynyń tapsyrmasy boıynsha mınıstrlik sý tasqynyna qarsy is-qımyl jónindegi naqty sharalardy engize otyryp, Qazaqstan Respýblıkasynyń Sý resýrstaryn basqarý júıesin damytýdyń 2024-2030 jyldarǵa arnalǵan tujyrymdamasyn pysyqtaıdy. Sondaı-aq tasqyn sýdy aýyl sharýashylyǵynda paıdalanýdyń jospary ázirlenedi», - delingen vedomstvonyń Kazinform agenttigi redaktsııasy joldaǵan resmı saýal jaýabynda.
Sonymen qatar mınıstrlik sý tasqynyna qarsy kúreste tıimdi sharalardy ázirleý úshin Qytaı, AQSh, Germanııa, Nıderlandy sekildi elderdiń ozyq tájirıbesin zerdelemek.
«Óńirlerdi sý tasqyny kezeńine daıyndaý sheńberinde jergilikti atqarýshy organdar aldyn alý sharalaryn, onyń ishinde eldi mekenderdiń aýmaǵynan qardy áketýdi, ózender men sý aıdyndarynyń arnalaryn tazartýdy, ınertti materıaldardy jáne qajet bolǵan jaǵdaıda qorǵanysh úıindi bógetterin daıyndaýdy uıymdastyrýǵa mindetti», - deıdi vedomstvodan.
Eske salsaq, buǵan deıin úıi sýdyń astynda qalǵan 130 otbasyna jańa baspana berilgenin jazǵan edik.
