Qazaqstan qysqy jáne jazǵy ýaqytqa aýysa ma – mınıstr jaýaby
ASTANA. KAZINFORM – QR Saýda jáne ıntegratsııa mınıstri Arman Shaqqalıev Májilis kýlýarynda eldiń qysqy jáne jazǵy ýaqytqa kóshý máselesi úsh jyldan keıin ǵana qaralatynyn aıtty.
Mınıstr ýaqytty aýystyrý máselesi shynymen de qyzý talqyǵa túskenin, qazir de túrli ótinishter túsip jatqanyn atap ótti.
«Petıtsııany qaraý boıynsha qandaı nátıje shyqqanyn bilesizder. Qysqy, jazǵy ýaqytqa kóshý tájirıbesi bizde boldy. Qazir Ýkraınada da osyndaı másele qarastyrylýda. Olar da mundaıǵa jol bermeý týraly sheshim qabyldady. Mundaı tájirıbe buryn bolǵanyn taǵy da eske salamyn. Depýtattyń usynysy nazar aýdarýǵa turarlyq jáne ony qarastyrýǵa bolady. Petıtsııa qorytyndysy boıynsha komıssııa yqpal etý qorytyndysyn anyqtaý úshin, júıeli negizde ǵylymı qorytyndyǵa rásimdeý úshin ýaqyt qajet degen sheshim qabyldady. Bul mańyzdy másele, - dedi A.Shaqqalıev.
Onyń aıtýynsha, densaýlyq saqtaý mınıstrligi úsh jyl boıy qosymsha zertteýler júrgizedi.
«Biz usynystarymyzda Densaýlyq saqtaý mınıstrligi aldaǵy 3 jylda teris áser týraly zertteý júrgizetinin aıttyq, óıtkeni biz oń áser týraly kópten beri aıtyp kelemiz», - dep tolyqtyrdy mınıstr.
Eske sala keteıik, buǵan deıin Saýda jáne ıntegratsııa mınıstrligi Qazaqstanda buryn qoldanysta bolǵan ýaqyt beldeýlerin qaıtarý týraly ótinishti qanaǵattandyrýdan bas tartqan edi.
