Qazaqstan Qyrǵyzstannyń ShYU-daǵy bastamalaryn qoldaýǵa daıyn
ASTANA. KAZINFORM — Qazaqstannyń Syrtqy ister mınıstriniń orynbasary Arman Isaǵalıev Qyrǵyzstannyń Qazaqstandaǵy elshisi Qudaıbergen Bazarbaevpen kezdesý ótkizdi.
Vedomstvonyń baspasóz qyzmetiniń málimetinshe, kelissózder barysynda taraptar Qazaqstan-Qyrǵyz qatynastarynyń ózekti máselelerin, sondaı-aq kópjaqty alańdarda yntymaqtastyqty odan ári damytý perspektıvalaryn talqylady.
2026 jylǵy 1 qyrkúıekte Bishkekte ótetin Shanhaı yntymaqtastyq uıymynyń aldaǵy sammıtine daıyndyq máselelerine erekshe nazar aýdaryldy.
Taraptar ekonomıkalyq baılanystardy nyǵaıtýdy, kóliktik ózara baılanysty damytýdy, mádenı-gýmanıtarlyq baılanystardy tereńdetýdi jáne kópjaqty ózara is-qımyl tetikteriniń tıimdiligin arttyrýmen qosa, ShYU aıasynda praktıkalyq yntymaqtastyqty odan ári nyǵaıtý qajettigin atap ótti.
— Kezdesý qorytyndysy boıynsha Qazaqstan Qyrǵyz Respýblıkasynyń ShYU-ǵa tóraǵalyǵyn qoldaıtynyn jáne onyń basym baǵyttaryn tabysty iske asyrýǵa járdem kórsetýge daıyn ekenin rastady, — delingen habarlamada.
Budan buryn ShYU elderi aqparattyq saladaǵy yntymaqtastyqty kúsheıtýge nıetti ekenin jazǵanbyz.
