Qazaqstan Kıoto hattamasyna saı shyǵaryndylardy qysqartý jónindegi mindettemelerdi saqtaı otyryp, ulttyq saıasatyn jáne damý josparyn ázirleýi qajet -dóńgelek stol otyrysy
ASTANA. Qańtardyń 19-y. QazAqparat - Qazaqstan Kıoto hattamasy boıynsha qabyldanǵan shyǵaryndylardy qysqartý jónindegi mindettemelerdi saqtaı otyryp, ulttyq saıasatyn jáne damý josparyn ázirleýi qajet.
Bul týraly búgin elordada ótken dóńgelek ústel barysynda aıtyldy.
Bul oraıda mańyzdy máselelerdiń biri kún, jel energııasyn paıdalaný sııaqty balama energııa kózderin damytý bolyp tabylady.
Alqaly jıyn barysynda elimizdiń 2020-2050 jyldarǵa deıin parnıkti gazdardyń emıssııasyn qysqartý jáne ekonomıkanyń tómenkómirtekti damýy jónindegi tujyrymdamasyn jasaý salasyndaǵy ulttyq josparlardy damytý jónindegi baıandamanyń tusaýy kesildi.
Sondaı-aq 2009 jyly jeltoqsannyń 7-18-inde Kopengagen qalasynda ótken kelissózderdiń nátıjeleri, Qazaqstannyń Kıoto hattamasyn jáne odan keıingi kezeńdegi mindetteriniń oryndalýy boıynsha basymdyqtarymen aǵymdyq jáne josparly is-sharalary talqylandy. «Klımattyń ózgerýi: halyqaralyq kelissózder úderisi. Tómenkómirtektiń damý tujyrymdamasy» taqyrybyndaǵy dóńgelek ústel BUU damý baǵdarlamasy men QR Úkimetiniń «Qazaqstan Respýblıkasynda strategııalyq josparǵa klımattyń ózgerý máselelerin biriktirý arqyly ornyqty damý salasyndaǵy áleýetti ósirý» birikken jobasy sheńberinde ótti.
Jıynǵa Shyǵys Eýropa jáne TMD elderindegi BUU DB aımaqtyq keńsesiniń klımattyń ózgerýi jónindegi keńesshisi Danıela Stoıcheva, sondaı-aq elimizdiń mınıstrlikteriniń, ınstıtýttarynyń jáne uıymdarynyń ókilderi qatysty.
