Qazaqstan kınoteatrlaryndaǵy jańa fılmder: aptalyq sholý
ASTANA. KAZINFORM — Osy aptada Qazaqstan kınoteatrlarynda kórermenge túrli janrdaǵy jańa fılmder usynyldy. Kınoprokatta tarıhı dramalar, romantıkalyq hıkaıalar, qorqynyshty trıllerler, shytyrman oqıǵalar men otandyq jobalar qatar kórsetilip jatyr.
Osy aptadaǵy jańa premeralardy Kazinform tilshisiniń sholýynan oqyńyz.
EMShІ 2: AVITsENNANYŃ MURASY (Lekar 2: Nasledıe Avıtsenny) 8.0⭐️
Janry: drama
Uzaqtyǵy: 142 mınýt
Eli: Germanııa, 2025
Rejısser: Fılıpp Shteltsl
Parsydan kelgen dáriger Rob Koýl áıeliniń qaıǵyly qazasynan keıin balasymen birge Anglııaǵa keledi. Alaıda qala erejelerine baılanysty Londonǵa kirýge tyıym salynǵandardyń qataryna iligip qalady. Soǵan qaramastan, ol muqtaj jandarǵa arnalǵan klınıka ashyp, óziniń erekshe emshilik qabiletin tanytady. Muny baıqaǵan patsha Rob Koýldy qyzyn emdeýge shaqyrady. Alaıda bıliktiń dál ortasynda ony aýyr synaqtar kútip tur. Munda adam ómirin saqtap qalý quqyǵyn tek bilimmen ǵana emes, sonymen birge batyldyqpen de qorǵaýǵa týra keledi.
KÝTıÝR 5.9⭐️
Janry: drama, melodrama
Uzaqtyǵy: 106 mınýt
Eli: Frantsııa, AQSh, 2025
Rejısser: Alıs Vınokýr
Nıý-Iorktik órshil rejısser Maksın arman qýalap, mahabbat pen sánniń mekeni – Parıjge attanady. Onyń maqsaty – Joǵary sán aptalyǵynyń jyltyraǵan syrtqy beınesin emes, onyń kóleńkede qalǵan, shynaıy ári qatal «sahna syrtyn» túsirý. Túsirilim alańyndaǵy qarbalaspen birge Maksınniń aldynan san túrli taǵdyrlar ashylady. Olar – podıýmdaǵy jasandy kúlki men qymbat matalardyń artyna jasyrynǵan, muń men qýanyshqa toly qarapaıym adamdardyń hıkaıalary. Osy bir kúrdeli shyǵarmashylyq jolda onyń janynan kelbetti de súıkimdi operator Anton tabylady. Kamera obektıvi arqyly álemdi baqylaıtyn eki jannyń kásibı odaqtastyǵy kóp uzamaı názik sezimge ulasady.
MURAGER (Naslednık) 8.3⭐️
Janry: komedııa, trıller
Uzaqtyǵy: 105 mınýt
Eli: Ulybrıtanııa, Frantsııa, AQSh, 2026
Rejısser: Djon Patton Ford
Sán-saltanaty kelisken saraılar, jeke ushaqtar, tipti jekemenshik araldar. Redfelloý áýletiniń baılyǵy mıllıardtarmen ólshenedi. Osynyń bárin muraǵa alýdy Bekket te armandaıdy. Alaıda áýlettiń basshysy odan ol dúnıege kelmeı turyp-aq bas tartqan. Soǵan qaramastan, ol ózi qalaǵan ómirge qol jetkizgisi keledi. Biraq bul jolda oǵan áýlettiń erke, dáýletti jeti murageri kedergi. Muraǵa jetý kezegin tezdetý úshin Bekketke otbasy aǵashynyń birneshe «butaǵyn» kesýge týra keledi. ıAǵnı ol adam óltirgeni úshin jazaǵa tartylmaıtyndaı aılaker ári batyl áreket etýi kerek.
QARA AÝLA KINODA (Chernyı dvor v kıno) 8.5⭐️
Janry: drama, krımınal
Uzaqtyǵy: 129 mınýt
Eli: Qazaqstan, 2026
Rejısser: Danııar Bolotbekov
«Qara aýla» – bul baqytty balalyq shaqtyń bir-aq sátte qalaı talqan bolǵanyn baıandaıtyn oqıǵa. Osyǵan deıin jan dostar bolǵan Mýha men Bob endi temir tordyń eki jaǵynda: biri tar qapastan qashýdyń jolyn oılasa, biri dosyn kúzetýge májbúr. Kóshe zańy men zań aldynda berilgen ant. Olardyń endigi tańdaýy kimniń erkindikke shyǵyp, kimniń ótkenniń tutqyny bolyp qalatynyn sheshedi.
ÚILENÝ OŃAI 8.4
Janry: melodrama
Uzaqtyǵy: 98 mınýt
Eli: Qazaqstan, 2026
Rejısser: Anvar Matjanov
Stsenarıst Aıdar qarym-qatynas týraly fılmge ıdeıa izdep júrip, psıhologpen tanysady. Ekeýi birge úılengennen keıin mahabbattyń shyn máninde nege ushyraıtynyn jáne «máńgilik» dep bastalǵan sezimderdiń ne sebepti ómir shyndyǵymen betpe-bet keletinin túsinýge tyrysady.
Olardyń nazarynda birneshe oqıǵa bar.
Tabysty menedjer Janar jáne oshaq qasynyń uıytqysy bolýdy óz moınyna alǵan jubaıy Jandos. Kúıeýiniń opasyzdyǵyn bastan keshirip, kúrdeli tańdaý aldynda turǵan Qarlyǵash. Bala súıýdi armandaǵan, biraq sheshimi qıyn máselege tap bolǵan jas jup.
Kim sezimin saqtap qalady, al kim bárin jańadan bastaýǵa bel býady?
BAQA HANShAIYM 2 (Tsarevna-lıagýshka 2) 7.5⭐️
Janry: shytyrman oqıǵa, qııal-ǵajaıyp, otbasylyq
Uzaqtyǵy: 89 mınýt
Eli: Reseı, 2026
Rejısser: Aleksandr Amırov
Koşeıdiń qarǵysyn qaıtarǵan, Ivan hanzada men Vasılısa kópten kútken úılený toılaryna daıyndalyp jatyr. Biraq týra neke qııý saltanatynda ejelgi qara kúsh oıanyp, qalyńdyqty urlap ketedi. Qalyńdyǵy Vasılısany qutqarý úshin Ivan men qaryndasy Varıa dostarymen birge Tamantarhan patshalyǵyna attanady. Ol jerde nebir synaqtardan ótip, túrli ǵajaıyptarǵa kýá bolyp, qara sıqyrdy da jeńýge qaýqarly naǵyz mahabbat synalady.
KALEVALA: ALǴAShQY VIKING (Kalevala: pervyı vıkıng) 6.0⭐️
Janry: drama, tarıh, qııal-ǵajaıyp
Uzaqtyǵy: 121 mınýt
Eli: Fınlıandııa, 2026
Rejısser: Anttı Iokınen
Bóten taıpada tárbıelengen vıkıng quldyqqa túsedi. Ol osy jerde óz ata-anasy shyqqan jaýyngerler áýletiniń sońǵy ókilderin jolyqtyrady. Solardan ol ózin baǵyp-qaqqan qaýym jaqyndarynyń ólimine kináli ekenin biledi. Endi onyń jalǵyz ǵana joly bar – kek joly.
EKІ, ÚSh – ELES, KEL! (Dva, trı, prızrak, prıdı!) 6.0⭐️
Janry: horror
Uzaqtyǵy: 94 mınýt
Eli: Ońtústik Koreıa, 2025
Rejısser: Son Don-van
Tylsymǵa toly qorqynyshty fılmde Cha Enniń hıkaıasy baıandalady. Onyń ótken ómirinde qupııa bar. Endi onyń mekteptegi dostary nekromantııa jorasyn ótkizip, arýaqtardy shaqyrady.
ONY ESKE SALÝ (Napomınanıe o nem) 8.6⭐️
Janry: drama, melodrama
Uzaqtyǵy: 114 mınýt
Eli: AQSh, 2026
Rejısser: Vanessa Kasvıl
Túrmeden shyqqannan keıin bir áıel kishkentaı qyzymen qaıta qaýyshýǵa tyrysady. Alaıda oǵan balasyn qamqorlyǵyna alǵan bar ıesinen basqa eshkim qoldaý kórsetpeıdi. Qoǵamnyń qarsylyǵyna qaramastan, ol qyzymen aradaǵy baılanysty qalpyna keltirýge talpynady. Ekeýi bir-birine jaqyndaı túsken saıyn, áıel jarqyn bolashaq qurý úshin ótkendegi qatelikterimen betpe-bet kelýge májbúr.
Ótken aptadaǵy kınopremeralar tizimin osy jerden kóre alasyzdar.
