Qazaqstan kınoteatrlaryndaǵy apta premeralary: ne kórýge bolady
ASTANA. KAZINFORM — Osy aptada Qazaqstan kınoteatrlarynda kórermenge túrli janrdaǵy jańa fılmder usynyldy. Kınoprokatqa otandyq jobalarmen qatar, sheteldik komedııalar, ǵylymı-fantastıkalyq týyndylar, horrorlar men trıllerler shyqty.
Bul jolǵy kınopremeralarmen Kazinform tilshisiniń sholýynan tanys bola alasyz.
🎬 EREKShE 9.1⭐️
Janry: melodrama, sport
Uzaqtyǵy: 87 mınýt
Eli: Qazaqstan, 2026
Rejısser: Ernar Nurǵalıev
Baıdyń erke uly Arman mas kúıinde kólik júrgizip, qashyp júrgende sport kesheniniń aýlasyn qıratady. Osy áreketi úshin ol qoǵamdyq jumysqa tartylady. Jazasyn tek formaldy túrde óteýdi oılaǵan Arman sol keshende bochcha parasportshylarymen, ásirese múmkindigi shekteýli inisi bar Áıgerimmen tanysady. Alǵashynda bárin oıynǵa balap, eshkimdi mensinbegen ol ýaqyt óte kele erekshe jandardyń ómirin, olardyń kúresi men ishki kúshin tanı bastaıdy. Osy ózgerister arqyly Arman óz ómirine jańasha kózqaraspen qarap, shynaıy jaýapkershilik pen adamgershiliktiń mánin túsinedi.
🎬 KÝZıA ÚI PERІSІ 2 (Domovenok Kýzıa 2) 7.0⭐️
Janry: komedııa, qııal-ǵajaıyp, otbasylyq
Uzaqtyǵy: 90 mınýt
Eli: Reseı
Rejısser: Vıktor Lakısov
Kýzıa Natasha men onyń otbasymen birge ómir súrýin jalǵastyra beredi. Al Jalmaýyz kempir adamdar álemine birjola qonystanyp, aınalasyna kómektesýge tyrysady. Bári úılesimdi kóringenimen, olardyń úıine jumbaq Momynnyń kelýi jaǵdaıdy kúrt ózgertedi. Onyń paıda bolýy túrli sıqyrly ári qaýipti oqıǵalarǵa sebep bolady. Endi keıipkerler álemdi Koşeıden qorǵaý úshin kúsh biriktirýge májbúr. Sonymen qatar olar ertegiler áleminiń sıqyry men jarqyn bolashaǵyn saqtap qalý úshin kúresedi.
🎬 ShYNJYRDA (Na tsepı) 6.7⭐️
Janry: detektıv, drama, krımınal, qorqynysh, trıller
Uzaqtyǵy: 110 mınýt
Eli: Ulybrıtanııa, Polsha, 2025
Rejısser: ıAn Komasa
Jas buzaqy Tommı azǵyndyq pen júgensiz ómirge ábden úırengen. Kezekti shekten shyqqan áreketinen keıin Tommı esin jıǵanda, ózin qala syrtyndaǵy úıdiń jertólesinde, moınyna shynjyr taǵýly kúıde kóredi. Ony urlap ákelgen — oǵash bir otbasy, olar erke qylmyskerdi túbegeıli qaıta tárbıeleýdi josparlaǵan. Bostandyqqa shyǵý úshin Tommı túrli aılaǵa toly psıhologııalyq synaqtardan ótip, múlde basqa adamǵa aınalýǵa májbúr bolady.
🎬 THE TUTOR 3.6⭐️
Janry: horror
Uzaqtyǵy: 108 mınýt
Eli: Taıland, 2025
Rejısser: Bhandıt Thongdı
Bell, Got jáne Paı oqýdan qatty sharshap, jaqsy baǵa alýǵa kómektesedi degen yrymdy jasap kórýge bel býady. Qaraýsyz qalǵan oqý ortalyǵynyń bir synybynda olar kezdeısoq zulym rýhty — eles muǵalimdi oıatyp alady. Ol olardy sheksiz sabaqtyń tuzaǵyna túsiredi.
Bell onyń yqpalyna túsip qalady. Onyń inisi Best pen osy yrym týraly aıtqan Sıý esimdi qyz Belldi qutqarýǵa tyrysyp, bul orynnyń qorqynyshty qupııalaryn asha bastaıdy. Alaıda shyndyqty tereńirek zerttegen saıyn, ózderi de tek ólim arqyly ǵana qutylýǵa bolatyn qarǵysqa shyrmala túsedi.
🎬 BAIQA! ALAıAQ! 8.6⭐️
Janry: komedııa, otbasylyq
Uzaqtyǵy: 85 mınýt
Eli: Qazaqstan, 2026
Rejısser: Darhan Sarkenov
Talǵat pen Katıa — kúnkóristiń qamymen áreń ómir súrip júrgen egde jastaǵy erli-zaıypty. Uldary nápaqa tabý úshin Koreıada eńbek etedi, al úlken qyzdary Qymbat — ustanymy berik, adal polıtseı. Ol paraqorlyqtan múlde aýlaq. Otbasy bir-birine súıenip, baryn bólisip ómir súredi, basty armandary — óz páterlerine qol jetkizý. Balalary zorǵa jınaǵan alǵashqy jarnany ákesine senip tapsyrady. Talǵat bank isterin jetik bilmegendikten, barlyq aqshany kartaǵa salady. Osy sátte pysyq ári ańǵal jigit Sıko paıda bolyp, «komıssııasyz» aqsha sheshýdiń jolyn usynatynyn aıtady. Talǵat oǵan senip qalady. Sol kúni-aq alaıaqtardyń qurbanyna aınalady: qońyraý, sms, «kod aıtyńyz» – sodan keıin aqshanyń izi de qalmaıdy.
🎬 «AQYRZAMAN» JOBASY (Proekt «Konets sveta») 8.7⭐️
Janry: sci-fi, qııal-ǵajaıyp
Uzaqtyǵy: 156 mınýt
Eli: AQSh, 2026
Rejısser: Fıl Lord, Krıstofer Mıller
Jaratylystaný pániniń muǵalimi Raıland Greıs jaryq jyldaryna sozylǵan qashyqtyqtaǵy ǵarysh kemesinde oıanady. Ol óziniń kim ekenin de, bul jerge qalaı kelgenin de esine túsire almaıdy. Esin birtindep jıǵan saıyn, óziniń basty mıssııasyn — Kúndi joıyp jatqan jumbaq qubylystyń syryn ashý qajet ekenin túsinedi. Búkil adamzatty joıylyp ketýden qutqarý úshin ol ǵylymı bilimin jáne tosyn ıdeıalaryn paıdalanýy tıis. Alaıda kútpegen dostyq bul jolda jalǵyz emes ekenin ańǵartady.
🎬 OTBASYLYQ DÚRBELEK (Semeınyı perepoloh) 6.0⭐️
Janry: otbasylyq, shytyrman oqıǵa, komedııa
Uzaqtyǵy: 92 mınýt
Eli: Ispanııa, 2026
Rejısser: Mar Olıd
Otbasy músheleriniń telefonǵa telmirip, ózine kóńil bólmeıtininen sharshaǵan Rıta uıaly telefondardyń joǵalyp ketkenin tileıdi. Alaıda onyń tilegi kútpegen jerden oryndalyp, búkil otbasy Orta ǵasyrlarǵa tap bolady. Endi olar tehnologııasyz ómir súrýge májbúr bolyp, úıge qaıtýdyń jolyn izdeıdi.
Ótken aptadaǵy kınopremeralar tizimin osy jerden kóre alasyzdar.
