Qazaqstan kınoteatrlarynda osy aptada ne kórýge bolady
ASTANA. KAZINFORM - Jańa kıno aptasymen birge kórermenderdi qyzyqty premeralar usynylady. Aldaǵy kúnderi qandaı fılmderge nazar aýdarýǵa bolatynyn Kazinform agenttiginiń sholýynan oqyńyz.
«Moana»
Disney kompanııasynyń áıgili «Moana» anımatsııalyq fılminiń laıv-ekshen remeıki.
Fılmniń sıýjeti túpnusqa mýltfılmdegi oqıǵany tolyq qaıtalaıdy. Moana alǵash ret týǵan Motýnýı aralynyń rıfinen asyp, ataqty jartylaı qudaı Maýımen birge alys saparǵa attanady. Olardy halqyna qaıtadan gúldený syılaıtyn qaýipti ári qyzyqty saıahat kútedi.
Fılmde Dýeın Djonson (Maýı) men Djemeın Klement (Tamatoa) óz rólderine qaıta oraldy. Al Moananyń rólin Ketrın Lagaaııa somdady.
«Dante kodeksi»
Fılm Nık Toshestiń osy attas romanynyń jelisi boıynsha túsirilgen jáne oqıǵa eki túrli kezeńde órbıdi.
XXI ǵasyrdyń basynda Nıý-Iorktik jazýshy Nıkke mafııa ókilderi Vatıkannyń jerasty qoımasynan «Qudiretti komedııa» qoljazbasyn urlap ákelýdi usynady. Sonymen qatar XIV ǵasyrda aqyn Dante Alıgerı rýhanı kemeldený jolyn izdep, óziniń áıgili týyndysyn jazyp jatady.
Fılmniń basty ereksheligi – juldyzdy akterlik quramy. Túsirilimge Oskar Aızek, Djeıson Momoa, Gal Gadot, Djerard Batler, Martın Skorseze, Al Pachıno, Djon Malkovıch jáne basqa da tanymal óner ıeleri qatysqan.
«Agent Zero»
Ótken ómirinde qupııasy kóp bolǵan frantsýz qyzy Alma Marokkoda jasyrynyp, serfıngten nusqaýshy bolyp jumys isteıdi.
Súıiktisi – polıtsııa qyzmetkeri qylmystyq toppen qaqtyǵys kezinde aýyr jaralanyp, komaǵa túskennen keıin Alma burynǵy ómirine qaıta oralady. Badh degen laqap atpen ol qylmystyq sındıkatqa qarsy kúres bastaıdy. Alaıda kóp uzamaı bul istiń artynda tek mafııa emes, óziniń burynǵy barlaý qyzmetindegi áriptesteri de turǵanyn túsinedi.
«Mınondar men qubyjyqtar»
Illumination stýdııasynyń jańa anımatsııalyq komedııalyq fılmi.
Oqıǵa 1920 jyldardaǵy Gollıvýdta ótedi. Kópshilik súıip kóretin sary mınondar kıno álemin baǵyndyrýǵa bel býyp, ózderiniń qubyjyqtar týraly fılmin túsirý úshin eń qorqynyshty maqulyqtardy izdeýge attanady.
«Sıqyrly janýarlar mektebi. Ǵajaıyp saqshylary»
Sıqyrly janýarlar mektebiniń oqýshylary men olardyń sóıleıtin janýarlary jańa shytyrman oqıǵalarǵa tap bolady. Olar naǵyz ǵajaıypty taýyp, mektepti jabylyp qalýdan qutqarý úshin túrli synaqtardan ótýi tıis.
«Tátti ertegi»
Chehııadaǵy Medov qalashyǵynda jas dáriger Anıchka eski úıdi, jylyjaıdy jáne stomatologııalyq emhanany muraǵa alady.
Jergilikti turǵyndar bul úıdiń jaman ataǵyna baılanysty oǵan jaqyndaýǵa qorqady. Alaıda Anıchka eshteńeden taısalmaıdy. Ol óziniń adal atasy Plantamen jáne jylyjaıda ósetin erekshe perý ósimdiginiń kómegimen tisti aýyrtpaı emdeýdiń jańa ádisin oılap tabady.
Bul jańalyq jergilikti tis dárigeri Dramldy alańdatady. Al Anıchkaǵa qalanyń batyl balalary qoldaý kórsetip, ǵajaıypqa senýge shaqyrady.
Buǵan deıin ótken aptada kınoteatrlarda qandaı jańa týyndylar kórsetilgenin jazǵanbyz.
