Qazaqstan kıikter sanyn 500 myńǵa jetkizýge nıetti
ASTANA. 12 maýsym. QazAqparat - QR Aýyl sharýashylyǵy mınıstrligi kıikter sanyn 500 myńǵa jetkizýge nıetti. Bul týraly búgin brıfıng barysynda Orman jáne ań sharýashylyǵy komıtetiniń tóraǵasy Erlan Nysanbaev aıtty.
«Adamzat qyzmetiniń, onyń ishinde ónerkásiptiń, ındýstrııalandyrýdyń, munaı men gazdy óndirýdiń, kommýnıkatsııa men jelilerdi qurýdyń saldarynan bizdiń sol bir kezdegi kıik sanyna qol jetkizýimiz neǵaıbyl. Degenmen de qazirgi ýaqytta bizde kıikter basyn jarty mıllıonnan asyrýǵa shynaıy múmkinshilikterimiz bar. bul shynaıy san, biz osy baǵytta jumys isteıtin bolamyz», - dedi ol.
Biraq ta komıtet tóraǵasynyń aıtýyna qaraǵanda, kıikterdi qorǵaýdy qarjylandyrýda problemalar bar. «2001 jyly bizge 14 mln. teńge bólingen bolatyn. Búgingi tańda kıikterdi qorǵaýǵa 200 mln. teńge bólinedi. Biz bul kólemdi de jetkiliksiz dep sanaımyz. Óıtkeni, bul janýarlardyń búgingi tańdaǵy jaıylym aýmaǵy 10 óńirdiń shamamen 100 mln. gektardy quraıdy», - dedi ol.
Aıta keteıik, qazirgi tańda el aýmaǵynda 136,57 myń bas kıik bar.
