Qazaqstan kıberqylmysqa qarsy jahandyq kelisimge qosyla ma
ASTANA. KAZINFORM — Qazaqstan Birikken Ulttar Uıymynyń kıberqylmysqa qarsy kúreske baǵyttalǵan konventsııasyn ratıfıkatsııalamaq. Bul týraly Ashyq NQA portalynda jarııalanǵan qujat jobasynda aıtylǵan.
Atalǵan halyqaralyq kelisim — aqparattyq-kommýnıkatsııalyq júıeler arqyly jasalatyn qylmystarǵa qarsy kúreste jáne eleýli qylmystarǵa qatysty elektrondyq nysandaǵy dáleldemelermen almasýda memleketter arasyndaǵy yntymaqtastyqty arttyrýdy kózdeıdi.
— Konventsııany ratıfıkatsııalaý — kıberqylmysqa qarsy is-qımyl salasyndaǵy jumystyń tıimdiligin arttyrýǵa, elektrondy dáleldermen almasýǵa, sondaı-aq halyqaralyq standarttarǵa saı ulttyq zańnamany jáne quqyq qoldaný tájirıbesin jetildirýge múmkindik beredi, — delingen qujatta.
Qujatta kórsetilgendeı, halyqaralyq áriptestik azamattardyń quqyqtary men múddelerin zamanaýı qylmystardan qorǵaý sharalaryn kúsheıtip, mundaı quqyqbuzýshylyqtardyń azaıýyna yqpal etedi.
Aıta keteıik, QR Іshki ister mınıstrligi 2025 jylǵy 25 qazanda Vetnamnyń Hanoı qalasynda BUU-nyń osy konventsııasyna qol qoıǵan bolatyn.