Qazaqstan kıberqaýipsizdik reıtınginde 42 pozıtsııaǵa kóterildi

NUR-SULTAN. QazAqparat -Qazaqstan 2018/2019 Kıberqaýipsizdiktiń jahandyq ındeksinde byltyrǵy reıtıngpen salystyrǵanda (82-oryn) 42-tarmaqqa kóterilip, 40-oryndy ıelendi. Bul týraly QazAqparat Tsıfrlyq damý, qorǵanys jáne aeroǵarysh ónerkásibi mınıstrliginiń baspasóz qyzmetine silteme jasap habarlaıdy.

Halyqaralyq elektrobaılanys odaǵynyń (ITU) esebine sáıkes, memleket kıberkeńistikten shyǵatyn, qaýipterge qarsy turý daıyndyq deńgeıi joǵary memleketter tizimine kirdi.

Reıtıngtiń birinshi jáne ekinshi pozıtsııasyna sáıkesinshe Ulybrıtanııa (1) jáne AQSh (2), eń sońǵy - Maldıv (175) ornalasty.

QR TsDQAÓM Aqparattyq qaýipsizdik komıtetiniń tóraǵasy Dmıtrıı Golobýrdanyń sózinshe, «kıberqaýipsizdiktiń ındeksinde el pozıtsııasynyń jaqsarýyna memlekettik organdardyń, úkimettik emes uıymdardyń jáne bıznestiń birikken jumysy áser etti. Sońǵy birneshe jylda aqparattyq qaýipsizdik salasynyń keń damýynyń irgetasy qalandy deýge bolady».

Atap aıtqanda, sońǵy eki jylda Qazaqstanda eldiń kıberqaýipsizdik salasyn damytý boıynsha bazalyq tujyrymdamalyq tásilder ázirlendi, birqatar zańnamalyq aktiler, «Qazaqstannyń Kıberqalqany» Kıberqaýipsizdik tujyrymdamasy, kóptegen salalyq buıryqtar ázirlendi jáne bekitildi. Budan basqa, zııandy kodty zertteý boıynsha, AQ salyndaǵy synaq zerthanalary quryldy, aqparattyq qaýipsizdiktiń ulttyq úılestirý ortalyǵy iske qosyldy, atalǵan mamandyq boıynsha granttar sany artty jáne basqa da sharalar.

Halyqaralyq elektrobaılanys odaǵy (ITU) kıberqaýipsizdik ındeksin anyqtaý boıynsha zertteýdi jyl saıyn ótkizetin atap ótemiz. Zertteý memleketterdiń kıberqaýipsizdik deńgeıin bes negizgi ólshemsharttar boıynsha baǵalaıdy: zańnamalyq baza, tehnıkalyq jáne uıymdastyrý is-sharalary, halyqaralyq arenadaǵy qyzmet jáne salany damytý áleýetin qurý.