Qazaqstan kıberqalqanmen qorǵalady
ASTANA. QazAqparat - Qazaqstan Respýblıkasynyń Prezıdenti Nursultan Nazarbaev qaýipsizdik jaǵdaıyn qýatty jáne qabiletti memlekettiń ólshemi dep atady, dep habarlaıdy QazAqparat.
«Kıberqylmyspen kúrestiń ózektiligi barǵan saıyn arta túsýde. Úkimet pen Ulttyq qaýipsizdik komıtetine «Qazaqstan kıberqalqany» júıesin qalyptastyrý sharalaryn qabyldaýdy tapsyramyn», - dep atap ótti Nursultan Nazarbaev 31 qańtar kúni jarııalanǵan Joldaýynda .
Odan bólek, Memleket basshysy dinı ekstremızmdi nasıhattaýdyń aldyn alý, ásirese ınternet pen áleýmettik jelide onyń jolyn kesý jumysyn júrgizý qajettigin basa aıtty.
«Bas bostandyǵynan aıyrý oryndarynda sottalǵandardy teologııalyq turǵydan saýattandyrý qyzmetteriniń maqsatty jumysy uıymdastyrylýǵa tıis. Óskeleń urpaqty rýhanı-adamgershilik rýhynda tárbıeleý úshin qosymsha qadamdar jasaý kerek», - dedi N.Nazarbaev.
Terrorızmge qarsy kúres máselelerine toqtalǵan Prezıdent destrýktıvti kúshterdi qarjylandyratyndarǵa, sheteldik terrorıstik uıymdarmen baılanys jasaıtyndarǵa qarsy kúres júrgizý isiniń negizgi másele bolyp sanalatynyn aıtty.
Bul iske memlekettik emes sektordy jáne dinı birlestikterdi belsendi túrde tartý qajet, - dedi ol. - Osy sharanyń bári meniń tapsyrmam boıynsha ázirlenip jatqan, 2017-2020 jyldarǵa arnalǵan Dinı ekstremızm men terrorızmge qarsy áreket jónindegi memlekettik baǵdarlamada eskerilýge tıis.
