Qazaqstan kerlıngten irikteý týrnırinde ekinshi jeńisine qol jetkizdi
ASTANA. KAZINFORM — Qazaqstannyń erler quramasy Aberdınde (Shotlandııa) ótip jatqan kerlıngten irikteý týrnırinde óner kórsetýin jalǵastyryp jatyr.
Otandastarymyz Avstrııany 7:4 esebimen jeńdi.
Toptyq kezeńdegi tórtinshi matchta Qazaqstan quramasy Norvegııamen kezdesip, qarsylasyna 1:6 esebimen ese jiberdi.
Osylaısha, Qazaqstan quramasy tórt matchtyń ekeýinde jeńiske jetip, ekeýinde jeńilip qaldy. Qazirgi ýaqytta bizdiń komanda A tobynda besinshi orynda tur.
QR UOK málimetinshe, tórt kezdesýdiń barlyǵynda jeńiske jetken Norvegııa men Túrkııa kósh bastap keledi.
Búgin, 10 qarashada, Qazaqstan Meksıkamen kezdesedi.
Eske sala keteıik, týrnır qorytyndysy boıynsha úzdik alty qurama 2027 jylǵy álem chempıonatyna joldama alady.
Aıta keteıik, veloshabandoz Ánel Táshbaı jasóspirimder Olımpıadasynda top jardy.
