Qazaqstan kedeninde jeke «Call- center» paıda boldy

ASTANA. 3 sáýir. QazAqparat - QR QM Kedendik baqylaý komıteti «Call- center»-iniń tegin nómirine qońyraý shalý arqyly kez kelgen adam kedendik zańnamalar salasynda keńester alyp,

óz usynystaryn, tilekteri men eskertpelerin engize alady, dep jazady ortcom.kz.

«Call- center» monıtorıngtik ortalyqtyń bazasynda jumys isteıdi, onda kedendik baqylaýdyń avtomattandyrylǵan júıesindegi barlyq málimetter bazasy biriktirilgen. Bul júkterdiń qazaqstandyq keden arqyly kedergisiz ótýi úshin operatıvti túrde jumys istep, tez sheshim qabyldaýǵa múmkindik beredi», - dep habarlaıdy KBK baspasóz qyzmeti.

Vedomstvo, sondaı-aq «1412» qysqa nómirine qońyraý shalý búkil Qazaqstan boıynsha tegin ekenin naqtylap ótken. «Call-center» týraly aqparat aqparattyq qabyrǵalar men ótkizý pýnktterindegi jáne áýejaılardaǵy kedendik rásimdeý ortalyqtarynda ornalastyrylǵan.

Qazirgi kezde 20 elektrondyq ótkizý pýnkti men 30 avtomattandyrylǵan taýar jetkizýdi baqylaý júıesi, 22 ýaqytsha saqtaý qoımasy, 11 myń elektrondyq qurylǵy, kólikti skanerleýge arnalǵan 23 ınspektsııalyq-tekserý kesheni, 133 avtomattandylyrǵan radıatsııalyq baqylaý júıesi, júk pen qol júgin skanerleýge arnalǵan 77 rentgendi-televızııalyq apparat, jolaýshylardy baılanyssyz tekserýdiń 17 jeke júıesi, 7 iri aqparattyq júıe monıtorıngpen qamtylǵan.