Qazaqstan «KazSat-3» jerserigi arqyly kórshiles elderge aqyly qyzmetter usynýdy kózdep otyr

ASTANA. 8 mamyr. QazAqparat - Qazaqstanda 2014 jyly «KazSat» júıesiniń úshinshi jerserigi iske qosylady jáne ol kórshiles elderge aqyly negizde telekommýnıkatsııalyq qyzmetter usyna alady.

Bul týraly Qazaqstan Respýblıkasy Ulttyq ǵarysh agenttiginiń tóraǵasy Talǵat Musabaev málim etti, dep jazady Rrimeminister.kz.

«KazSat-3» jerserigi bir mezgilde rezervtik jáne qoldanystaǵy apparat bolady, ol spýtnıktik júıeniń úzdiksiz jumysyn qamtamasyz etedi. Budan ózge, eki jerserik búkil Qazaqstannyń radıojıilik resýrstaǵy suranystaryn qanaǵattandyra alady jáne de Qyrǵyzstannyń, Túrkimenstannyń, Reseıdiń jáne Ózbekstannyń bólikterine aqyly negizde spýtnıktik qyzmetter usyný múmkin bolady», - dedi T. Musabaev.

Sonymen birge, «KazSat-3» jerserigin «Lých» reseılik ǵarysh apparatymen birge «Proton» zymyran tasyǵyshy men ekpindi blokty paıdalanyp «Baıqońyr» ǵarysh aılaǵynan iske qosý 2014 jyldyń birinshi toqsanyna josparlanǵan.