Qazaqstan qazirgi bessaıystan Qytaıdaǵy álem chempıonatyn aıaqtady
ASTANA. KAZINFORM — Qytaıdyń Gýııan qalasynda qazirgi bessaıystan álem chempıonaty aıaqtaldy.
Erler arasyndaǵy jarysta Qazaqstan namysyn bes sportshy qorǵady.
A irikteý tobynda Kırıll Stadnık 20-orynǵa ıe boldy. V tobynda Tıhon Varehın 16-oryn alsa, Temirlan Ábdiraıymov 21-orynǵa turaqtady. S tobynda Danıl Bogdanov 17-orynnan kórindi, al Lev Chývashov 18-oryn aldy.
Іrikteý kezeńiniń qorytyndysy boıynsha qazaqstandyq bessaıysshylar jartylaı fınalǵa óte almady.
Áıelder arasyndaǵy básekede Aıana Qazbekova A tobynda 21-orynǵa ıe boldy. V tobynda ıÝlıana Petrova 27-oryn, ıAroslavna Poner 30-oryn aldy. Qazaqstandyq sportshylar bul kezeńnen de óte almady.
Budan bólek, qazaqstandyqtar estafetalyq jarystarda da baq synady. Erler estafetasynda Temirlan Ábdiraımov pen Lev Chývashov jetinshi orynǵa ıe boldy.
Áıelder estafetasynda Aıana Qazbekova men ıÝlıana Petrova márege toǵyzynshy bolyp jetti.
Aralas estafetada ıAroslavna Poner men Kırıll Stadnık te toǵyzynshy oryn aldy.
Komandalyq esepte Qazaqstan áıelder arasynda 11-orynǵa, erler arasynda 13-orynǵa ornalasty.
Eske salaıyq, buǵan deıin Qazaqstan velotrekten Azııa kýbogynda bes altyn medal jeńip alǵanyn habarlaǵanbyz.
