Qazaqstan qazirgi zamanǵy ozyq tehnologııalarǵa óte táýeldi - BUU Damý baǵdarlamasynyń Qazaqstandaǵy turaqty ókili
ALMATY. 1 qarasha. QazAqparat /Erlik Erjanuly/ - Energııa tutyný Qazaqstanda Eýropadaǵy ortasha deńgeıden shamamen 2 ese joǵary. Bul búgin Almatyda ótip jatqan "Innovatsııalar, energııa jáne resýrs jınaqtaý tehnologııalary elektr energetıkasy salasyn jańartýdyń negizi" dep atalatyn energetıkalyq forýmda aıtyldy.
"BUU Damý baǵdarlamasy energııany tutynýdyń tıimdiligin arttyryp, shyǵyndy azaıtýda Qazaqstanǵa ozyq tehnologııanyń kerektigin aıqyn ańǵarýda. Respýblıkada energııa tutynýdyń 80 paıyzy jylý energetıkasynyń úlesine tıedi. Bul sektorda qazir tıimdilik 50 paıyzdyq óte tómengi deńgeıde. Ondaǵy shyǵyn jaı kóp páterli ǵımarattarda 40 paıyzdy quraıdy", - deıdi BUU Damý baǵdarlamasynyń Qazaqstandaǵy turaqty ókili Stıven Týll.
Onyń aıtýynsha, bıyl Qazaqstan úkimeti mýnıtsıpaldyq sektordy qaıta qurý men jetildirýdiń 10 jyldyq baǵdarlamasyn qabyldap, júzege asyra bastady. Halyqaralyq uıym bul bastamany zor yqylaspen qoldaıdy.
