Qazaqstan «Qazaq handyǵy. Altyn taq» fılmin Oskar syılyǵyna usyndy

NUR-SULTAN. QazAqparat - «Rústem Ábdirashev túsirgen «Qazaq handyǵy. Altyn taq» fılmi Amerıka kınoakdemııasynyń «Oskar» syılyǵyna «Shet tildegi eń úzdik fılm» nomınatsııasyna usynyldy.

«92-Oskar syılyǵy Los Andjeleste 2020 jyldyń 9 aqpanynda tabystalady», dep jazady Hollywood Reporter.

Avtor Rústem Ábdirashev túsirgen fılm orta ǵasyrlardaǵy qazaq handyǵynyń tarıhyn baıandaıtyn epıkalyq serıaldyń ekinshi bóligi ekenin jazady.

«Bul fılm eki jyl burynǵy «Almas qylysh» kartınasynyń jalǵasy. Munda Shaıbanı memleketiniń patshasy Ábilqaıyrdyń ólimi, Syǵanaqtyń qazaq handyǵyna qaraýy, Kereı hannyń ólimi, taqqa Jánibek sultannyń kelýi sekildi oqıǵalar baıandalady. Fılm boıynsha on serııaly teleserıal da ázirlengen», dep jazady avtor.

Ol «Altyn taq» fılmin Qazaqfılm men R.Ábdirashev, CentauRus Productions qarjylandyrǵanyn, al halyqaralyq satylymdy Londonnyń Amadeus Entertainment kompanııasy júzege asyratynyn aıtady.

«Qazaqstan Oskarǵa alǵash ret 1992 jyly fılm usyndy jáne 2006 jyldan beri oǵan jyl saıyn qatysyp keledi. Sodan beri Qazaqstan úsh nomınatsııa alǵan, sonyń ishinde 2018 jylǵy «Aıka» fılmi de bar», dep jazady avtor.