Qazaqstan qaı elderge munaı-gaz hımııa ónimderin eksporttaıdy

ASTANA. KAZINFORM – 2023 jyldyń qorytyndysynda elimizde 306 myń tonna munaı-gaz hımııa ónimderi óndirildi. Bul týraly Energetıka mınıstrliginen málim etti.

«Búgingi tańda kómirsýtek shıkizatynan kelesi munaı-gaz hımııa ónimderi óndiriledi: benzol, paraksılol, polıpropılen, metıl-tret-býtıl efıri jáne basqalary 2023 jyly munaı-gaz hımııa ónimderiniń jıyntyq óndirisi 306 myń tonnany qurady. Onyń ishinde eksportqa 227 myń tonnasy jiberildi jáne bul kórsetkish 2021 jylmen (87 myń tonna) salystyrǵanda 2,6 esege ósim kórsetti», - dep atap ótti mınıstrlikten agenttik tilshisiniń saýalyna oraı.

Vedomstvo usynǵan derekke sáıkes, myna elderge munaı-gaz hımııa ónimderi eksportqa shyǵarylǵan.

- polıpropılen: Qytaı – 94,5 myń tonna, Reseı – 44,9 myń tonna, Eýropa – 30 myń tonna, Túrkııa – 14,1 myń tonna.

- benzol: Qytaı – 25,3 myń tonna.

- paraksılol: Qytaı – 18,2 myń tonna.