Qazaqstan qatysqan qysqy Olımpıadalardaǵy úzdik shyqqan komandalar
1994 jyly Norvegııanyń Lıllehammer qalasynda ótken Aq Olımpıada -oıyndary Qazaqstannyń Táýelsizdik alǵan tustaǵy tuńǵysh Olımpıadasy. 1994 jylǵa deıin jazǵy jáne qysqy Olımpıada oıyndaryna KSRO quramynda qatysyp keldi.
Búgin sol 1994 jyldan beri Qazaqstan quramasy jeke el retinde týyn kóterip barǵan Qysqy Olımpıada oıyndarynda úzdik úshtikti qaı elder jeńip alǵanyn nazarlaryńyzǵa usynǵandy jón kórdik.
1994 jyl - Lıllehammer, Norvegııa
1994 jyly XVІІ Qysqy Olımpıada oıyndary Norvegııanyń Lıllehamer qalasynda ótti. Oǵan álemniń 69 elinen 1700-den astam sportshy keldi. Olardyń qatarynda Qazaqstannyń ulttyq quramasy da boldy. Alǵash táýelsiz el retinde barǵan Aq Olımpıada oıyndarynan qazaqstandyq shańǵyshy Vladımır Smırnov 1 altyn, 2 kúmis jeńip aldy. Osylaısha jalpykomandalyq esepte Qazaqstan quramasy 12 orynǵa ornalasty.
1994 jylǵy Olımpıadadan soń qazaq sportshylary Qysqy Olımpıada oıyndarynan birde-bir altyn júlde ala almaı keledi.
Lıllehammer Olımpıadasynyń úzdik úshtigi:
1-oryn - Reseı - 11 altyn, 8 kúmis, 4 qola
2- oryn - Norvegııa - 10 altyn, 11 kúmis, 15 qola
3- oryn - Germanııa - 9 altyn, 7 kúmis, 8 qola
1998 Nagano, Japonııa
1998 jyly Japonııanyń Nagano qalasynda XVІІІ qysqy Olımpıada oıyndarynyń alaýy tutandy. Oǵan álemniń 72 elinen 2302 sportshy qatysty. Qazaqstan quramasynan shańǵyshy Vladımır Smırnov pen konkımen júgirýshi Lıýdmıla Prokasheva qola medal jeńip aldy.
Jalpykomandalyq esepte Qazaqstan Belarýs Respýblıkasymen 20-21 oryndardy bólisti.
Nagano Olımpıadasynyń úzdik úshtigi:
1-oryn - Germanııa - 12 altyn, 9 kúmis, 8 qola
2- oryn - Norvegııa - 10 altyn, 10 kúmis, 5 qola
3- oryn - Reseı - 9 altyn, 6 kúmis, 3 qola
2002 Solt-Leık-Sıtı, Amerıka Qurama Shtattary
2002 jyly AQSh-tyń Solt-Leık-Sıtı qalasynda XІH qysqy Olımpıada oıyndary ótti. Bul dodaǵa álemniń 77 elinen 2390 sportshy qatysty. Ókinishke qaraı, Qazaqstan sportshylaryna Olımpıada oıyndarynyń júldesi buıyrmady.
Solt-Leık-Sıtı Olımpıadasynyń úzdik úshtigi:
1-oryn - Norvegııa - 13 altyn, 5 kúmis, 7 qola
2- oryn - Germanııa - 12 altyn, 16 kúmis, 8 qola
3- oryn - AQSh - 10 altyn, 13 kúmis, 11 qola
2006 Týrın, Italııa
2006 jyly XH qysqy Olımpıada oıyndary Italııanyń Týrın qalasynda ótti. Bul tórt jyldyq dodaǵa álemniń 80 elinen kelgen 2508 sportshy qatysty. Bul joly da qazaqstandyq sportshylar qorjynǵa júlde sala almady.
Týrın Olımpıadasynyń úzdik úshtigi:
1-oryn - Germanııa - 11 altyn, 12 kúmis, 6 qola
2- oryn - AQSh - 9 altyn, 9 kúmis, 7 qola
3- oryn - Avstrııa - 9 altyn, 7 kúmis, 7 qola
2010 Vankýver, Kanada
2010 jyly HHІ Qysqy Olımpıada oıyndaryn Kanadanyń Vankýver qalasy ótkizdi. Oǵan álemniń 82 elinen 2766 sportshy medalǵa talasty.
Bul Olımpıada oıyndarynda qazaqstandyq bıatlonshy Elena Hrýstaleva jekeleı synda kúmis medalǵa qol jetkizdi. Osy bir medalmen jalpykomandalyq esepte Qazaqstan men Estonııa elderi 25-26 oryndy ózara bólisti.
Vankýver Olımpıadasynyń úzdik úshtigi:
1-oryn - Kanada - 14 altyn, 7 kúmis, 5 qola
2- oryn - Germanı - 10 altyn, 13 kúmis, 7 qola
3- oryn - AQSh - 9 altyn, 15 kúmis, 13 qola
2014 Sochı, Reseı
2014 jyly Sochıde HHІІ qysqy Olımpıada oıyndarynyń alaýy tutandy. Oǵan álemniń 90 elinen 2800 sportshy qatysty.
Qazaqstan Sochı Olımpıadasynda bir qola medalǵa ıe boldy. Ony mánerlep syrǵanaýshy Denıs Ten qorjynǵa saldy.
Osylaısha 2014 jyly Qazaqstan jalpykomandalyq esepte 26-oryndy ıelendi.
Sochı Olımpıadasynyń úzdik úshtigi:
1-oryn - Reseı* - 11 altyn, 10 kúmis, 9 qola
2- oryn - Norvegııa - 11 altyn, 5 kúmis, 10 qola
3- oryn - Kanada - 10 altyn, 10 kúmis, 5 qola
*Dopıng isine baılanysty Reseı quramasy 2 altyn, 1 kúmis medaldan aıyryldy.
2018 Phenchhan, Ońtústik Koreıa
2018 jyly XXIII Qysqy Olımpıada oıyndary Ońtústik Koreıanyń Phenchhan qalasynda ótti. Bul Olımpıada oıyndarynda álemniń 80-nen astam elinen 5 myńǵa jýyq sportshy synǵa tústi. Atalǵan Olımpıadada qazaqstandyq ıÝlııa Galysheva frıstaıldyń mogýl túrinen bir qola medalǵa qol jetkizdi. Osy bir júldemen Qazaqstan quramasy jalpy komandalyq esepte 28-orynǵa ıe boldy.
Phenchhan Olımpıadasynyń úzdik úshtigi:
1-oryn - Norvegııa - 14 altyn, 14 kúmis, 11 qola
2- oryn - Germanııa - 14 altyn, 10 kúmis, 7 qola
3- oryn - Kanada - 11 altyn, 8 kúmis, 10 qola
2022 Beıjiń, Qytaı Halyq Respýblıkasy
Búgin Beıjińdegi Aq Olımpıada oıyndary máresine jetti. Oıyndarda Qazaqstan namysyn 34 sportshy qorǵady. Olar shańǵy jarysy, frıstaıl akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa tústi.
Ókinishke qaraı birde-biri jeńis tuǵyrynan kórine alǵan joq.
Beıjiń Olımpıadasynyń úzdik úshtigi:
1. Norvegııa - 16 altyn, 8 kúmis, 13 qola
2. Germanııa - 12 altyn, 10 kúmis, 5 qola
3. Qytaı - 9 altyn, 4 kúmis, 2 qola
