Qazaqstan qatysatyn bokstan jastar arasyndaǵy Azııa chempıonatynyń kestesi anyqtaldy

ASTANA. QazAqparat – Bokstan 19-22 jas arasynda 16-27 qańtar kúnderi Taıland eliniń astanasy Bangkok qalasynda ótetin Azııa chempıonatynyń (U-22) kestesi anyqtaldy, dep habarlaıdy QazAqparat tilshisi.

Aldymen 16 jáne 17 qańtar kúnderi tehnıkalyq rásimder ótip, jerebe tartylady.

Jarys 18 qańtar kúni bastalady. 21-ine deıin bastapqy jekpe-jekter bolady. 22 jáne 23 qańtarda jartylaı fınaldar ótse, 24-i – demalys kúni, 25-i jáne 26-syna fınal josparlanǵan.

Qazaqstannan jigitter 13 salmaq dárejesinde rıngke shyǵady: Sanjar Táshkenbaı (48 kg), Danııal Sábıt (51 kg), Nursultan Altynbek (54 kg), Mahmud Sabyrhan (57 kg), Talǵat Syrymbetov (60 kg), Muhammedsabyr Bazarbaıuly (63,5 kg), Abzal Serik (67 kg), Sabyrjan Aqqalyqov (71 kg), Dıas Moljigitov (75 kg), Erasyl Jaqpekov (80 kg), Saǵyndyq Toǵambaı (86 kg), Erhat Bekzat (92 kg), Amanat Sabyrǵalı (+92 kg).

Qyzdardan myna sportshylar el namysyn qorǵaıdy: Ánel Qudaıbergen (48 kg), Móldir Toıkova (50 kg), Jansaıa Rahımberdi (52 kg), Ánel Saqysh (54 kg), Vıktorııa Grafeeva (57 kg), Shahnaz Isaeva (60 kg), Nazerke Serik (63 kg), Aqnar Işanova (66 kg), Jasmın Qızatova (70 kg), Dana Dıdaı (75 kg), Gúlsaıa Erjan (81 kg), Eldana Tálipova (+81 kg).

Eske sala keteıik, budan buryn Myrzaǵalı Aıtjanovtyń bokstan Qazaqstan erler quramasynyń bas bapkeri bolǵanyn jazǵan edik.

Sondaı-aq Azııa chempıonatyna qatysatyn Qazaqstan qyzdar quramasy anyqtaldy.

Ashyq kózderden alynǵan foto