Qazaqstan-Qatar úkimetaralyq komıssııasynyń jumysyn túrli salada jandandyrý kerek - sheıh Támım

ASTANA. QazAqparat – Qazaqstan-Qatar úkimetaralyq komıssııasynyń jumysyn túrli salada jandandyrý kerek. Bul týraly Aqordada Qazaqstan Prezıdenti Qasym-Jomart Toqaevpen keńeıtilgen quramdaǵy kelissóz barysynda Qatar Ámiri sheıh Támım ben Hamad Ál Tánı aıtty, dep habarlaıdy QazAqparat tilshisi.

«Shaǵyn quramdaǵy kezdesý barysynda birneshe máseleni talqyladyq. Eki el arasyndaǵy yntymaqtastyqty túrli salada ár qaraı damyta túsý qajettigin atap óttik. Sonymen qatar, buǵan deıingi kelissózder barysynda qol jetkizilgen memorandýmdardy qaıda jandandyrý jaıyna toqtaldyq. Onyń ishinde ınvestıtsııalardy ózara qoldaý máselesi de bar. Aldaǵy ýaqytta Qazaqstan-qatar úkimetaralyq komıssııasynyń jumysyn túrli salada jandandyrýymyz kerektigin aıttyq», - dedi sheıh Támım.

Mártebeli meıman 2020 jylǵy koronavırýsqa baılanysty úkimetaralyq komıssııa jumysy toqtap qalǵanyna nazar aýdardy.

«Jaqyn arada osy komıssııa jumysyn qaıta jalǵastyrady dep úmittenemin. Sonymen qatar, biz aımaqtyq jáne halyqaralyq deńgeıdegi máselelerdi qozǵadyq. Erteń Qazaqstan elordadasynda Azııadaǵy ózara is-qımyl jáne senim sharalary keńesiniń VI sammıti ótedi. Osy sammıtte biz saıasat, qaýipsizdik jáne Azııa aımaǵyna qatysty ózge de ózekti máselelerdi talqylaımyz», - dedi Qatar Ámiri.

Foto : t.me/bort_01