Qazaqstan kásiporyndarynda óndiristik ekologııalyq monıtorıng avtomattandyrylady

NUR-SULTAN. QazAqparat - Qazaqstan kásiporyndarynda óndiristik ekologııalyq monıtorıng avtomattandyrylady. Bul týraly búgin QR Energetıka mınıstrligi Ekologııalyq retteý jáne baqylaý komıteti tóraǵasynyń orynbasary Zulfyhar Joldasov aıtty, dep habarlaıdy QazAqparat tilshisi.

"Taǵy bir progressıvti tetik monıtorıngtiń avtomattandyrylǵan júıesi bolmaq. Biz birinshi sanattaǵy nysandar úshin ókiletti organdarǵa málimetterdi berý arqyly óndiristik ekologııalyq monıtorıngti mindetti túrde avtomattandyrmaqpyz. ıAǵnı, barlyq iri kásiporyndarda engiziledi", dedi komıtet ókili "Ekologııalyq zańnamany reformalaý - qazirgi ahýaly men bolashaǵy" taqyrybyndaǵy pikirtalas alańynda.

Osy oraıda ol kásiporyndarǵa ótpeli kezeń múmkinshiligi beriletinin aıtty.

"Biz avtomattandyrýdy talap etetin bolamyz. Árıne, ol úshin ótpeli kezeń engiziledi. Sodan keıin bul aqparattardy ózderinde shoǵyrlandyrýdy jáne odan ary qalaı áreket etý jónindegi qorytyndy shyǵarýdy talap etemiz. Qazirdiń ózinde birqatar kásiporyn, onyń ishinde iri mettalýrgııalyq kompanııa "Arselor Mıttal" ilki joba retinde belgili bir tabıǵı kózderdi avtomattandyrýǵa kóshirip jatyr", - Zulfyhar Joldasov.

Aıta keteıik, "Qazaqstannyń ekologııalyq uıymdary qaýymdastyǵy" birlestigi uıymdastyrǵan sharada jańa Ekologııalyq kodeks jobasy talqylandy.