Qazaqstan kásipqoı fýtbol lıgasynyń jańa prezıdenti taǵaıyndaldy

ASTANA. QazAqparat - Qazaqstannyń prezıdenttik kásipqoı fýtbol lıgasynyń jańa prezıdenti bolyp «Ordabasy» jáne «Oqjetpes» fýtbol klýbtarynyń burynǵy sport dırektory Baǵlan Ergeshev taǵaıyndaldy, dep habarlady Vesti.kz.

Onyń kandıdatýrasyn 18 mamyrda ótken lıga keńesinde biraýyzdan bekitti.

Ergeshev otstavkaǵa ketken Oljas Abraevtyń ornyn basady.

Búgin belgili bolǵandaı, Qazaqstan fýtbol federatsııasynyń bas hatshysy Azamat Aıthojın otstavkaǵa ketti. Onyń otstavkaǵa ketý týraly ótinishi Atqarýshy komıtettiń aldaǵy otyrysynda qaralady.