Qazaqstan Kásipqoı boks federatsııasynyń prezıdenti Shúmenovtiń málimdemesine tańdandy
«Shyny kerek, Shúmenovtiń bul sózine tań-tamasha boldym. Iá, jekpe-jek aldynda olar bizge kelip, kómek kórsetýimizdi surady. Biz suraǵan kómegin berdik. Biraq bul sol sharany óz qarajatymyzǵa uıymdastyrýymyz kerektigin bildirmeıdi. Meniń bilýimshe, Beıbittiń qarjysy bar, al bizde onyń jobalaryn qarjylandyrý mindetin moınyna alatyn demeýshiler joq. Bul onyń táýekelderi, onyń esepteri, onyń tabystary», - deıdi Erlan Bekhojın.
Buǵan deıin Shúmenov Qazaqstanda kásipqoı boks lıtsenzııasyn alý úshin AQSh-taǵydan tórt ese kóp aqsha - 100 dollar tóleý qajettigin synaǵan bolatyn.
«Bizdiń elimizde lıtsenzııalyq alym osylaı bekitilgen. Máselen, Reseıde ol odan da kóp - 200 dollar. Qazaqstandaǵy kásipqoı bokstyń ınfraqurylymy, ókinishke qaraı, AQSh-taǵy sııaqty emes», - deıdi Erlan Bekhojın.
Federatsııa prezıdenti Shúmenovtiń synı málimdemesi qyzýlyqpen jasalǵandyǵyn aıtty.
«Menińshe, oǵan aqparatty burys jetkizgen. Sondyqtan ol munyń bárin qyzýlyqpen aıtqan», - deıdi Bekhojın.
Jýyrda Astanada ótken boks keshinde túrkııalyq Hıznı Altýnkaıany jeńip, birinshi aýyr salmaqta WBA beldigin ıelendi.
Al jekpe-jek aldynda ony uıymdastyrýdaǵy qarjylyq qıyndyqtardy aıtyp, óz qarjysynan 500 myń dollardan astam qarajat jumsaýǵa týra kelgenin málimdegen edi.
Boksshynyń osy málimdemesine qatysty alǵashqy qazaqstandyq promoýterlerdiń biri Marat Mázimbaev ta pikir bildirgen bolatyn.