Qazaqstan kásipkerleriniń 85 paıyzy ekonomıkalyq sottardyń jumysyn oń baǵalaýda
Onyń atap ótýinshe, elimizde 2001 jyldan beri sottardy kezeń-kezeńimen mamandandyrý jumysy júrgizilip keledi. Nátıjesinde, mamandandyrylǵan aýdanaralyq ekonomıkalyq sottar, mamandandyrylǵan ákimshilik sottar, mamandandyrylǵan qylmystyq sottar, kámeletke tolmaǵandar isteri jónindegi mamandandyrylǵan sottar qurylyp, sot ádilettiligin arttyrýda tıimdi jumystar atqarýda.
«Jyl saıyn ekonomıkalyq sottarǵa túsip jatqan talap-aryzdardyń artýy - elimizde kásipkerliktiń damyp kele jatqanyn kórsetedi», - dedi ol.
Onyń atap ótýinshe, Joǵarǵy sot ótken jyly ekonomıkalyq sottardyń jumysyna qatysty bıznes sýbektileriniń pikirin bilý maqsatynda áleýmettik saýalnama júrgizgen. Zertteý nátıjesi boıynsha ekonomıkalyq sottarda isteri qaralyp jatqan kásipkerler bul sottardyń jumysyn jaqsy jaǵynan baǵalaǵan.
«Naqtyraq aıtsaq, jaýap bergen respondentterdiń 85 paıyzy isteriniń sapaly jáne ýaqytyly qaralyp jatqanyn, ekonomıkalyq sottar sýdıalarynyń kásibı deńgeıi joǵary ekenin atap kórsetken. Jalpy, elimizde bıznes júrgizý úshin jaǵymdy jaǵdaılar jasaýdyń asa mańyzdylyǵyn ataı otyryp, ınvestorlardyń quqyqtaryn qorǵaýdyń usynylyp otyrǵan tetikteri - bizdiń elimizdiń ınvestıtsııalyq ahýalyna jáne ınvestorlardyń otandyq sot júıesine degen senimine oń áserin tıgizip otyrǵanyn atap ótken jón",- dedi N.Qaıypjan.
