Qazaqstan kásipkerlerine POS-termınaldar tegin taratylady
Onyń aıtýynsha, 20 mamyr-22 maýsym aralyǵynda Qazaqstannyń 21 qalasynda «Salyq týraly qarapaıym tilmen túsindirý» atty kezdesýler ótedi.
Mamyrdyń 10-ynda ortalyq mamandary Aqtaý qalasynyń kásipkerlerimen kezdesip, Jańa salyq kodeksindegi ózgerister men erekshelikterdi túsindiretin bolady. Osylaısha elimizdiń 20 qalasyn aralap bolǵan soń sarapshylar 22 maýsymda Almatyda sońǵy kezdesý ótkizedi.
«Jeke kásipkerler shtatynda esepshisi joq jeke bıznes sanatyna jatady. Olarǵa salyq kodeksin meńgerý óte qıyn. Termınder óte kóp. Sonymen qatar jeke kásipkerdiń kodeksti oqyp úırenýge de ýaqyty joq ekeni ras. Degenmen, zańdy túsinbeý jaýapkershilikten bosatpaıdy. Sondyqtan, jeke kásipkerler Salyq kodeksin bilýi tıis. Sol úshin bizdiń komanda óńirlerdi aralap salyq kodeksin uǵynyqty tilde mysalmen túsindirý jumystaryn bastamaq. Sonymen qatar, jýyq arada «Ár kásipkerge arnalǵan abonenttik tólemsiz, tegin POS-termınal» jobasy qolǵa alynbaq. Stastıstıkaǵa kelse, kásipkerlerdiń 80 paıyzynda atalmysh termınal joq. Sondyqtan, olardyń tabysy ashyq emes bolǵandyqtan, ondaı kásipkerler bolashaqta memlekettiń qoldaýyn ıe bola almaıdy. Bıznesin keńeıte almaıdy. Tegin Pos-termınal jobasy Qazaqstandy tsıfrlandyrý protsesin jyldamdatary sózsiz», - dedi Dmıtrıı Kazantsev.
Aıta ketý kerek, Qazaqstanda ınternet saýdasymen aınalysyp jatqan kásipkerler salyqtan 5 jylǵa bosatylatyn bolady.
Alaıda, ol úshin birqatar shart oryndalýy kerek.
«Kásipker halyq tutynatyn taýaryn jeke tulǵalarǵa satýy tıis. Sonymen qatar, tólemaqysy ınternet arqyly júrgizilýi, ári jetkiziletin kompanııalarmen kelisimsharty bolýy shart. Bul talaptar asa qıyn emes. Eger, ınternet saýdaǵa aýysamyn degen kásipkerler bolsa, olarǵa qalaı aýysý kerektigi týraly túsindiretin bolamyz», - dedi D.Kazantsev.