Qazaqstan kásipkerleri fýtbol oınap jarysady
ASTANA. 13 shilde. QazAqparat - «QAZKA» Qazaqstan Kásipkerleri Qaýymdastyǵy 14 shilde kúni seriktesteri men otandyq kásipkerler arasyndaǵy «QAZKA-2012» Bıznes-lıgasy» atty 5-shi jyldyq mını-fýtbol jarysy ótkizedi.
Dodanyń ótkizilý maqsaty - salaýatty ómir saltyn nasıhattaý men otandyq kásipkerler qaýymdastyǵyndaǵy dostyqty nyǵaıtý.
Resmı is-sharalarda kezdesýge úırenip qalǵan kásipkerler bul kúni beıresmı túrde kezdesip, tildesýge jáne kúndelikti qarbalastan demalýǵa múmkindik almaqshy. Osyǵan qosa bul doda ujymdaǵy áriptesterdiń dostyǵyn kúsheıtpek.
Jyl saıyn el kásibiniń túrli salalarynan 30-dan astam komanda qatysýda. Olardyń ishinde «Saryarqa» Astana qalasy kásipkerler qaýymdastyǵy, Ońtústik Qazaqstan kásipkerleri qaýymastyǵy, «KAZENERGY» qaýymdastyǵy, Qazaqstan qarjygerler qaýymdastyǵy, IT-kompanııalar qaýymdastyǵy, Bankter jáne otandyq kásipkerler bar.
Osy jyly dodaǵa 24 komanda qatyspaqshy.
