Qazaqstan qashannan bastap kıik múıizin saýdaǵa shyǵarady

ASTANA. KAZINFORM — Ekologııa jáne tabıǵı resýrstar mınıstri Erlan Nysanbaev Qazaqstan kıik múıizin qashannan bastap eksportqa shyǵaratynyn, sondaı-aq odan túsken qarajat qaı maqsatta jumsalatynyn aıtty. 

— Olardyń sanyn retteý kezinde múıizderi kesiledi, kıikterdi ótkizý pýnktterindegi, jergilikti ákimdikterdegi aqparattyq júıede tańbalanady. Keıinnen olar Almatyǵa kúzetpen tasymaldanady, ol jerde arnaıy tońazytqysh qondyrǵylar salynǵan. Sol jerde belgili bir temperatýralyq rejımde saqtalady. Ár múıiz nómirlengen, tańbalanǵan, — dedi Erlan Nysanbaev Parlament Májilisinde tilshiler suraǵyna jaýap bere otyryp.

Aıta keteıik, byltyr jeltoqsan aıynda Qazaqstan kıik múıizin eksporttaıtyny málim boldy. 

Bul turǵyda mınıstr áli de tıisti shekteýler bar ekenin atap ótti.

— Samarqandta ótken Konventsııa (CITES) otyrysynyń sheshimine sáıkes, jylyna 10 tonnaǵa deıin ótkizýge quqyǵymyz bar. Osy jyly Saýda mınıstrligimen birge eksport júıesin pysyqtap jatyrmyz. Meniń oıymsha, eki aıdan keıin aýktsıon ótkizip, múıizderdi satamyz. Aqsha bıoalýantúrlilikti saqtaýǵa, kıikterdi qorǵaýǵa, sharýashylyqtardy materıaldyq-tehnıkalyq qamtamasyz etýge jumsalady, — dedi vedomstvo basshysy.

Aıta keteıik, Úkimet kıik sanyn retteý jáne múıizderin tańbalaý máselesin qarady.