Qazaqstan Qarýly kúshteriniń ofıtserleri túgeldeı attestattaýdan ótti
Attestattaýdan sátti ótken birqatar ofıtser joǵary áskerı laýazymdarǵa usyný úshin rezervke engizildi, sondaı-aq 2015-2017 jyldary áskerı joǵary oqý oryndaryna joldama aldy.
Qazaqstannyń Qarýly kúshterindegi attestattaý mindetti túrde úsh jylda bir ret bolady. Odan barlyq ofıtserler ótedi. Áskerı oqý oryndarynyń tyńdaýshylary, attestattaý ótkizilý kezinde oqýdy támamdaǵan túlekter, áskerı qyzmette shekti jasqa jetkender jáne jaramsyz nemese shekteýli jaramdy bolyp tanylǵan adamdar, sondaı-aq attestattaý kezinde alǵashqy «leıtenant» áskerı ataǵy, júktilik, bala kútimi boıynsha demalystaǵy áıel ofıtserler nemese atalǵan demalystan keıin qyzmetke kirisken kezinde qylmystyq is qozǵalǵan ofıtserler tekseriske tartylmaıdy.
Qaıta emtıhan tapsyrýdyń negizgi mindetteri árbir ofıtserdiń kásibı, iskerlik jáne jeke qasıetterin, áleýetti múmkindikterin, onyń atqaryp otyrǵan laýazymǵa sáıkes kelýin anyqtaý, sondaı-aq jetildirý men nyǵaıtýdy qajet etetin ofıtserler korpýsynyń «osal» tustaryn aıqyndaýdan turady. Sonymen birge, attestattaý jańa anaǵurlym kúrdeli kásibı tapsyrmalarǵa ázir áskerı qyzmetshilerdiń ári qaraıǵy mansaptyq ósýine jańa perspektıvalar ashady.