Qazaqstan Qarýly Kúshteriniń Qurlyq áskerleri jyl qorytyndysyn shyǵardy
Bul týraly QR Qorǵanys mınıstrlginiń baspasóz qyzmeti habarlady.
Sondaı-aq uıymdyq-ádistemelik jıynǵa óńirlik qolbasshylyqtardyń, ásker tekteriniń jáne brıgadalardyń serjanttary qatysty.
Uıymdyq-ádistemelik jıyn sheńberinde QR QK Qurlyq áskerleriniń bas qolbasshysy general-leıtenant Murat Maıkeevtiń basshylyǵymen óńirlik qolbasshylyqtar men ásker tekteri laýazymdy adamdarymen komandalyq-shtabtyq áskerı oıyn ótkizildi. Osy komandalyq-shtabtyq oıyn barysynda baǵynysty kúshter men quraldardy basqarý, sondaı-aq arnaıy operatsııalar ótkizý máseleleri pysyqtaldy.
Jıyn barysynda atalǵan máselelerden basqa áskerı qyzmetshiler barlyq sanattarynyń kásibı sheberligin, QR QK Qurlyq áskerleriniń bólimderi men quramalarynda qarý-jaraq pen áskerı tehnıkaǵa qyzmet kórsetý jáne olardy paıdalaný sapasyn arttyrýǵa, áskerı tártipti nyǵaıtýǵa basty nazar aýdaryldy.
Teorııalyq bilimderin jetildirý úshin jıynǵa qatysýshylarmen jaýyngerlik daıarlyq boıynsha, sondaı-aq beıbit jáne soǵys ýaqytynda áskerlerdi basqarý jóninde teorııalyq jáne praktıkalyq sabaqtar ótkizildi.
Serjanttarǵa jeke quramdy úıretýdiń jańa ádistemesi, jańa oqý-jattyǵý atystarynyń jattyǵýlary kórsetildi. Negizgi kúsh qazirgi zamanǵy urys jaǵdaıyndaǵy is-qımyldardy pysyqtaýǵa jáne jetildirýge jumyldyryldy.
Kásibı biliktilikterin rastaý úshin generaldar, ofıtserler men serjanttar atys, dene daıarlyqtarynan, taktıkalyq daıarlyqtan synaqtar tapsyrdy. Jınalǵan komandırlerdi psıhologııalyq testileý qorytyndysy boıynsha joǵary kórsetkishter bolǵany atap ótildi. Olardyń dene daıarlyǵyn tekserý ótken oqý kezeńderimen salystyrǵanda aıtarlyqtaı ilgerileýshilikti baıqatty.
-Ótken oqý jyly ishinde QR QK Qurlyq áskerleri jaýyngerlik daıarlyq boıynsha barlyq mindetterdi tolyq oryndap shyqty, úzdik quramalar men bólimder anyqtaldy. Jyl qorytyndysyn shyǵara kele, Qazaqstan Qarýly Kúshteriniń Joǵarǵy Bas Qolbasshysy - elimizdiń Prezıdenti qoıǵan memleketimizdiń qorǵanys qabiletin nyǵaıtý jónindegi mindetterdi Qurlyq áskerleri sapaly jáne laıyqty iske asyryp jatyr dep nyq senimmen aıtýǵa bolady. Biz jaýyngerlik daǵdymyzdy arttyryp, áskerı tártip pen dene daıarlyǵyn nyǵaıtyp kelemiz, - dep Qurlyq áskerleriniń bas qolbasshysy general-leıtenant Murat Maıkeev atap ótti.
Ásker tekteri men óńirlik qolbasshylyqtar arasynda birinshi orynǵa Aeroutqyr áskerler ıe boldy. Astanalyq desanttyq-shabýyl brıgadasy 2013 oqý jylynyń qorytyndysy boıynsha QR QK Qurlyq áskerleri udaıy jaýyngerlik ázirliktegi jalpy áskerı quramalarynyń arasynda úzdik dep tanyldy.