Qazaqstan Qarýly kúshteriniń quramasy álem chempıonatynda jalpykomandalyq birinshi oryndy jeńip aldy
ASTANA. Qazannyń 18-i. QazAqparat - Qazannyń 8-18-i aralyǵynda AQSh-tyń Soltústik Karolına shtatyndaǵy Djeksonvıl qalasynda bokstan áskerıler arasyndaǵy 53-shi álem chempıonaty ótti. Bul jarysqa Qazaqstan Qarýly kúshteriniń boks quramasy qatysty, dep habarlady qorǵanys vedomstvosynyń baspasóz qyzmetinen.
Baıraqty básekege álemniń 14 elinen, atap aıtqanda Italııa, Nıderlandy, Shrı-Lanka, Ýkraına, AQSh, Brazılııa, Danııa, Frantsııa, Úndistan, Estonııa, Irlandııa, Barbados, Trınıdad jáne Tobago, Qazaqstan sııaqty elderden barlyǵy 68 boksshy qatysty.
Qazaqstan Qarýly kúshteriniń quramasy 10 salmaq sanatynda óner kórsetip, 9 júldeli oryn jeńip aldy. Nátıjesinde jalpykomandalyq birinshi oryndy ıelendi. Qazaqstannyń Qarýly kúshteriniń boksshylary osy chempıonattyń qorytyndysy boıynsha 2011 jyly shildeniń 16-24-i aralyǵynda Rıo-de-Janeıroda ótetin Armııa sporty dúnıejúzilik keńesiniń V jazǵy álem oıyndaryna joldama aldy.
Jarysta 1-shi jáne 2-shi oryn alǵan kishi serjant B.Abdrahmanov, qatardaǵy jaýyngerler M.Aqshalov, I.Súleımenov, A.Muqanov, E.Janabergenovtar kózge tústi.
