Qazaqstan Qarýly Kúshteriniń kishi serjanty bokstan álem chempıony atandy

ASTANA. 28 qazan. QazAqparat - Armııa ortalyq sport klýbynyń kishi serjanty Birjan Jaqypov 49 kelige deıingi salmaq dárejesinde bokstan álem chempıony atandy, dep habarlady QR Qorǵanys mınıstrliginiń baspasóz qyzmetinen.

Birjan Jaqypov Qazaqstan atynan alǵashqy bolyp rıngke shyqqan bolatyn. Bizdiń sportshymyz altyn júlde úshin aljırlik Mohammed Flıssımen bolǵan jekpe-jekte úsh raýndtyń qorytyndysy boıynsha 3:0 esebimen jeńiske jetti.

Bıylǵy álem chempıonatyna 110 eldiń sportshylary qatysty. Qazaqstandyq boksshylar tórt altyn, eki kúmis, eki qola medal oljalap, bokstan álem chepıonatynyń jalpykomandalyq esebinde birinshi oryndy ıelendi.