Qazaqstan Qarýly Kúshteri jeke quramynyń 70 paıyzdan astamy revaktsınatsııadan ótti
El áskerinde COVID-19-ǵa qarsy qaıta vaktsına salý jalǵasýda. Búgingi kúni Qarýly Kúshterde áskerı qyzmetshiler men azamattyq personal ókilderiniń 70,6 paıyzy koronovırýsqa qarsy ekpe aldy.
Ofıtserler men kelisimshart boıynsha áskerı qyzmetshiler áskerı emhanalar men tirkelgen jeri boıynsha qalalyq emdeý mekemelerinde revaktsınatsııalanady. Qaıta vaktsına salý merzimdi qyzmettegi áskerı qyzmetshiler men áskerı oqý oryndarynyń kýrsanttaryna turaqty ornalasý pýnkterinde júrgiziledi.
Budan bólek Bas áskerı medıtsınalyq basqarmasy kóshpeli brıgadalar jumysyn uıymdastyrdy. Olardyń egý bólmeleri áskerı bólimderdegi medıtsınalyq bólimshelerge ornalastyryldy. Bul áskerı qyzmetshiler men azamattyq personaldyń qyzmetten qol úzbeı protsedýradan ótýine yńǵaıly.
