Qazaqstan Qarýly Kúshteri jaýyngerlik ázirliktiń joǵary dárejesine keltirildi (FOTO)
Oqý dabylynyń belgisi boıynsha QR Qorǵanys mınıstrligi Ortalyq apparaty qurylymdyq bólimsheleriniń, óńirlik qolbasshylyq áskerleriniń, ásker tekteri men túrleriniń barlyq jeke quramy kóterildi, dep habarlady QR Qorǵanys mınıstrliginiń baspasóz qyzmeti.
Qarýly Kúshter toptamasyn jalpy basshylyqqa alý Strategııalyq basqarý ortalyǵynan QR QK Bas shtabynyń bastyǵy general-polkovnık Sáken Jasuzaqovpen júzege asyryldy.
Bas shtabtyń pármeni boıynsha Qurlyq áskerleriniń toptamasy oqý-jattyǵý ortalyqtary men polıgondarda oqý-jaýyngerlik tapsyrmalardy oryndaýǵa kiristi. Bul rette 3 000 birlikten astam qarý-jaraq pen áskerı tehnıka tartyldy.
Áýe qorǵanysy kúshteriniń quramynan áýege jaýyngerlik kezekshilikti atqaratyn kúshter men quraldar kóterildi, ártúrli tıptegi avıatsııalyq tehnıkany iske qosý júzege asyryldy, paıdalanýǵa qosalqy áýeaılaqtar daıyndaldy.
Korablge qarsy, áýe shabýylyna qarsy jáne sýastyǵa qarsy dıversııalyq qorǵanys boıynsha oqý tapsyrmalaryn pysyqtaý úshin teńizge Áskerı-teńiz kúshteriniń korablderi shyǵaryldy.
Ótkiziletin sabaqtardyń basty maqsaty belgilengen merzimde qoıylǵan jaýyngerlik tapsyrmalardy oryndaýda basqarý organdary men jeke quramnyń is-qımyldarynyń úılesýin arttyrý bolyp tabylady.