Qazaqstan Qarýly Kúshteri úzdik áskerı qalashyqty tańdady

ASTANA. 26 qarasha. QazAqparat - QR Qorǵanys mınıstrligi Qazaqstan Qarýly Kúshteriniń óńirlik qolbasshylyqtary, ásker tekteri jáne garnızondary arasynda ótken «Úzdik áskerı qalashyq» baıqaý-konkýrsynyń qorytyndysyn shyǵardy.

Qorǵanys mınıstrliginiń baıqaý komıssııasy turǵyn úı jáne qyzmettik qorlardyń jaı-kúıin, sondaı-aq áskerı qalashyqtardyń irgeles aýmaǵyn kórkeıtý sapasyn tekserdi. Elbasy - QR Qarýly Kúshteriniń Joǵarǵy Bas qolbasshysy júktegen sharalardyń nátıjesinde áskerı qyzmetshilerdiń turý jáne turmys jaǵdaılarynyń jaqsarýyna qol jetkizildi.

Baıqaý-konkýrstyń qorytyndysy boıynsha birinshi oryndy Ulttyq qorǵanys ýnıversıtetiniń áskerı qalashyǵy jeńip aldy (Şýchınsk q.). Ekinshi oryndy «Otar» áskerı bazasy enshilese, úshinshi oryn «Ońtústik» óńirlik qolbasshylyǵyna qarasty 35748 áskerı bólimine buıyrdy, dep habarlady QR Qorǵanys mınıstrliginiń baspasóz qyzmetinen.