Qazaqstan Karıb basseıni elderi men Rohındja musylmandaryna 650 myń dollar jiberedi

ASTANA. QazAqparat - Qazaqstan Antıgýa jáne Barbýda memleketi men Mıanmadaǵy rohındja musylmandaryna gýmanıtarlyq kómek retinde 650 myń dollar jiberedi, dep habarlaıdy «QazAqparat» HAA tilshisi QR «Ádilet» aqparattyq-quqyqtyq júıesiniń saıtyna silteme jasap.

QR Úkimeti qaýlysyna sáıkes, Qazaqstan Antıgýa jáne Barbýda memleketinde oryn alǵan  tabıǵı apatqa járdem retinde  50 myń dollar, Karıb qaýymdastyǵyna 100 myń  dollar  gýmanıtarlyq kómek kórsetedi. Sonymen qatar, Qazaqstan Mıanmadaǵy rohındja musylmandaryna resmı gýmanıtarlyq kómek retinde 500 myń dollar bólmek. 

Osy maqsatty iske asyrý boıynsha QR qarjy mınıstrligine  elimizdiń SІM jáne Úkimettiń tótenshe jaǵdaılarǵa baılanysty qoryna qarjy bólý tapsyryldy. Atalǵan qarjy 2017 jylǵa arnalǵan tabıǵı jáne tehnogendik minezdegi tótenshe jaǵdaılardy boldyrmaýǵa arnalǵan respýblıkalyq bıýdjetten qarastyrylǵan.