Qazaqstan kardıohırýrgııany damytý baǵytynda úzdik 20 eldiń qataryna jaqyndady
ASTANA. QazAqparat - Qazaqstan ashyq júrekke joǵary tehnologııaly operatsııa jasaıtyn alǵashqy 20 eldiń qataryna jaqyndady. Bul týraly búgin Ortalyq kommýnıkatsııalar qyzmetindegi brıfıngte QR Densaýlyq jáne áleýmettik damý mınıstrligi Kardıologııa jáne ishki aýrýlar ǵylymı-zertteý ınstıtýtynyń dırektory Sálim Berkinbaev málim etti.
Kardıohırýrgııa jetistikteri máselesine toqtalǵan ol, «Qazaqstan ashyq júrekke joǵary tehnologııalyq operatsııa jasaıtyn 22 aldyńǵy qatarly elderdiń tizimine enip otyr. Atap aıtqanda, jasandy júrek qarynshasyn aýystyrý kólemi boıynsha Qazaqstan álemde aldyńǵy qatarlarǵa kirdi»,-dedi. Búginde elimizde júrek-qan tamyrlary dertterinen ólim-jitim kórsetkishi aıtarlyqtaı tómendedi. Máselen, 2003 jyly bul indetten ólim-jitim 100 myń adamǵa shaqqanda 539 kórsetkishti quraǵan bolsa, 2013 jyly bul kórsetkish 100 myń adamǵa shaqqanda 217 jaǵdaıǵa deıin qysqardy. S.Berkinbaevtyń paıymynsha, birinshi kezekte bul jetistik 2007-2009 jyldarǵa arnalǵan kardıologııa jáne kardıohırýrgııany damytýdyń memlekettik baǵdarlamasyn júzege asyrýmen baılanysty boldy.
