Qazaqstan karateshileri Azııa chempıonatynan taǵy 2 medal jeńip aldy
ASTANA. QazAqparat - Iordanııa astanasy Ammanda kartaeden (WKF) ótken Azııa chempıonatynyń sońǵy kúni qazaqstandyq sportshylar taǵy eki medal jeńip aldy, dep habarlaıdy QazAqparat tilshisi.
QR Ulttyq Olımpıadalyq komıtetiniń málimetteri boıynsha, jarystyń sońǵy kúninde komandalyq kýmıteden jeńimpazdar men júldegerler anyqtaldy. Onda Qazaqstannyń erler quramasy qola medal jeńip aldy. Qyzdar quramasy fınalǵa deıin jetip, ókinishke qaraı, sheshýshi synda japon qyzdaryna utylyp, kúmis júldege ıe boldy.
Esterińizge sala keteıik, osyǵan deıin jekelegen synda Qazaqstan quramasynyń karateshileri 3 qola medal jeńip alǵanyn jazǵan bolatynbyz.
