Qazaqstan karateshileri Azııa chempıonatyn jalpy esepte ekinshi orynmen aıaqtady
ASTANA. QazAqparat – Ózbekstan astanasy Tashkent qalasynda WKF karateden Azııa chempıonaty máresine jetti, dep habarlaıdy QazAqparat tilshisi.
«Sportty damytý dırektsııasy» RMQK-dan málim etkenindeı, jarystyń sońǵy kúni eresekter jekeleı jáne komandalyq synda júldeli oryndardy sarapqa saldy.
Jekeleı synda Ásel Qanaı 61 kelige deıingi salmaqta altyn alsa, Nızamıddın Halmatov (-55 kg), Sofıa Berýltseva ( +68 kg), Nurnııaz Eldashov (+84 kg) kúmis, Nurqanat Ájiqanov (-75 kg) pen Dıdar Ámiráli (-67 kg) qola júldege ıe boldy.
Áıelder arasynda komandalyq saıysta Sofıa Berýltseva, Ásel Qanaı, Laýra Áliqul jáne Bella Samasheva chempıon atandy.
Erler arasyndaǵy komandalyq saıysta Igor Chıhmarev, Nurqanat Ájiqanov, Beıbarys Jańbyr, Dıas Ulbek, Nıkıta Tarnakın, Dıdar Ámiráli, Nurnııaz Eldashov kúmis júldeni qanaǵat tutty.
Chempıonat qorytyndysynda Qazaqstan quramasy 10 altyn, 7 kúmis jáne 9 qola medalmen jalpy esepte ekinshi orynǵa kóterildi. Japonııa karateshileri (18 altyn, 9 kúmis, 9 qola) kósh bastasa, úzdik úshtikti Iran túıindedi.
Eske sala keteıik, budan buryn álemdik Masters týrnırine Qazaqstan atynan 12 dzıýdoshy qatysatynyn jazǵan bolatynbyz.
Keshe jarystyń alǵashqy kúni qazaqstandyq Ábıba Ábýjaqynova 48 kelige deıingi salmaqta besinshi orynǵa ıe boldy. Ol qola júlde úshin básekede ıtalııalyq Asýnte Skýttoǵa ese jiberdi.
Foto: «Sportty damytý dırektsııasy» RMQK
