Qazaqstan karateden Azııa chempıonatynda 15 medal enshiledi
NUR-SULTAN. QazAqparat - Qazaqstannyń karate komandasy (kadetter, jasóspirimder jáne 21 jasqa deıingiler) Malaızııanyń Kot-Kınabalý qalasynda ótken Azııa chempıonatyn 15 medalmen aıaqtady, dep habarlaıdy QazAqparat Olympic.kz silteme jasap.
Dodaǵa jalpy 33 eldiń 500 sportshysy qatysty. Eń jaqsy nátıjege Japonııa jáne Qazaqstan quramalary qol jetkizdi.
Bizdiń sportshylar kýmıte boıynsha ózderin kórsete aldy. Fınalda Qazaqstannyń 12 sportshysy óner kórsetti. Alaıda altyn medal tek Nıkıta Tarnakınge buıyrdy.
21 jasqa deıingi jastar arasynda 75 kg salmaq sanatynda Jańbyr Beıbarys fınalda japon sportshysyn jeńip, qurama qorjynyna taǵy bir altyn medal saldy.
Júldegerler qataryn Bekzadaev Ilııas (60 kg) pen Úsenova Gúlmıra (61 kg) tolyqtyrdy.
«Byltyr 5 altyn, jalpy 17 medal enshilep edik. Malaızııadaǵy chempıonatta 4 altyn, jalpy 15 medalmen shektelsek te, jalpykomandalyq esepte Japonııadan keıingi ekinshi oryndy saqtap qaldyq. Eresekter arasyndaǵy jarystarǵa qosylyp jatqan sportshylarymyz qýantty. Degenmen, chempıonat kemshilikterimizdi aıqyn kórsetip berdi, olardy joıý úshin bapkerler shtaby jumys isteıdi», - deıdi komandanyń bapkeri Shattyq Qajymuqan.
