Qazaqstan karateden Azııa chempıonatyn úzdik úshtikte aıaqtady
ASTANA. KAZINFORM — Búgin Indonezııanyń Balı aralynda WKF karateden eresekter arasyndaǵy XXII Azııa chempıonaty máresine jetti, dep habarlaıdy Sportty damytý dırektsııasynyń baspasóz qyzmeti.
Qazaqstan komandasy 2 altyn, 2 kúmis, 3 qola medalmen jalpykomandalyq esepte 3-orynǵa turaqtady.
Bizdiń júldegerler:
- Jolaman Bıǵabyl (-55 kg)
- Oljas Altynbek (-67 kg)
- Ásel Qanaı (-61 kg)
- Nurqanat Ájiqanov (-75 kg)
- Bella Samasheva (-55 kg)
- Daııana Darenskaıa (-68 kg)
- Nıkıta Tarnakın (-84 kg)
Jalpykomandalyq esep:
1. Japonııa (5 altyn, 3 kúmis, 5 qola)
2. Iran (3 altyn, 1 kúmis, 5 qola)
3. Qazaqstan (2 altyn, 2 kúmis, 3 qola)
4. Iordanııa (2 altyn, 2 kúmis)
5. Saýd Arabııasy (1 altyn, 2 kúmis, 1 qola)
Aıta keteıik, bıylǵy chempıonatqa qurlyqtaǵy 33 memleketten 400-den astam sportshy qatysty. Bul jarys Qazaqstan komandasy úshin kúzde Japonııada ótetin XX jazǵy Azııa oıyndaryna daıyndyqtyń negizgi kezeńi sanalady.
Osyǵan deıin Qazaqstan para-karate komandasy Azııa chempıonatynda jalpy esepte top jarǵanyn jazǵanbyz.
