Qazaqstan Qarashyǵanaq konsortsıýmymen birge gaz óńdeý zaýytyn salmaıtyn boldy

ASTANA. KAZINFORM — Energetıka mınıstrligi Qarashyǵanaqta gaz óńdeý zaýytyn salý jobasyn ken ornynyń aktsıonerleri men memleket arasyndaǵy Ónim bólisý kelisimi aıasynda iske asyrmaıtyn boldy. Vedomstvonyń baspasóz qyzmeti bul baǵyttaǵy kelissóz tolyq toqtaǵanyn rastady.

Aıta ketý kerek, «Qarashyǵanaq Petroleým Opereıtıng B.V.» konsortsıýmyna Shell (29.25%), Eni (29.25%), Chevron (18%), LÝKOIL (13.5%), QazMunaıGaz (10%) ıelik etedi.

 — QR Energetıka mınıstrligi Qarashyǵanaq ken ornynda gaz óńdeý zaýytynyń qurylysyn iske asyrý boıynsha qoldanystaǵy Ónimdi bólisý týraly kelisim (ÓBK) aıasynda aktsıonerlermen jumystyń toqtaǵanyn málimdeıdi. Qazirgi kezeńde mınıstrlik ulttyq kompanııalardy tartý arqyly jobany Ónim bólisý kelisiminen tys júzege asyrýdyń balamaly nusqalaryn qarastyryp otyr, — dep jazylǵan mınıstrliktiń málimetinde.

Buǵan deıin Qarashyǵanaq aktsıonerleri gaz óńdeý zaýytyn salýǵa Qazaqstannan qosymsha $1 mlrd talap etkenin jazǵan edik.