Qazaqstan qarasha aıynan bastap astyq eksportyn 1-1,2 mln. tonnaǵa deıin arttyrýdy kózdeıdi
TANA. 10 qazan. QazAqparat /Qanat Mámetqazyuly/ - Qazaqstan qarasha aıynan bastap astyq daqyldarynyń eksporty aýqymyn 1-1,2 mln. tonnaǵa deıin arttyrady.
Búgin QR Parlamenti Májilisinde «Astyq salasy: jaǵdaıy men perspektıvalary» atty taqyrypta ótken Úkimet saǵatynda Aýyl sharýashylyǵy mınıstri Asyljan Mamytbekov osylaı málimdedi.
Mınıstrdiń aıtýynsha, astyq sharýashylyǵyndaǵy negizgi problemalardyń biri - taýar óndirýshiler úshin dástúrli satý naryqtarynyń shektelgendiginde bolyp otyr. «Qazaqstandyq astyq árqashan suranysqa ıe bolyp otyratyn qarateńizdik jáne baltyq porttarynda bizdiń bıdaı baǵa jaǵynan básekege qabiletti sanalady. Máselen, Reseı, Ýkraına jáne bizdiń elimizdiń bıdaıynyń baǵasy bir bolsa, onda sózsiz qazaqstandyq astyq tańdalar edi. Máseleniń basqa qyry búgingi kúni temirjol tarıfterindegi shyǵyndar ortasha alǵanda 130 dollardy quraıdy», - deıdi A. Mamytbekov.
Toqtala ketetin jaıt, Qazaqstannyń astyq eksporttyq áleýeti 2011-2012 marketıngtik jyldary 10 mln. tonnadan astam bolady dep josparlanýda.
«Biz qarasha aıynan bastap astyq eksportyn aı saıynǵy 1-1,2 mln. tonnaǵa deıin artyrýǵa múmkindigimiz bar», - deıdi A. Mamytbekov.
