Qazaqstan karantındik 88 tonna ónimdi eksporttaýshy elderge qaıtardy
«9-15 qyrkúıek aralyǵynda qujat tekserý barysynda Qazaqstan Respýblıkasynyń aýmaǵyna joǵarǵy fıtosanıtarııalyq qaýpi bar karantınge jatqyzylatyn ónimderdi ákelýge qatysty Qazaqstan Respýblıkasy jáne Eýrazııalyq ekonomıkalyq odaǵynyń ósimdikter karantıni salasyndaǵy zańnamany buzýǵa jatatyn 8 fakti anyqtaldy», - delingen mınıstrliktiń habarlamasynda.
3 jaǵdaıda ónim Reseı Federatsııasynan (kartop - 3 tonna, pııaz - 8 tonna, qyzanaq - 20 tonna) mindetti ilespe fıtosanıtarııalyq sertıfıkatynsyz jetkizilgen. Sonymen qatar Úndistannan 2 jaǵdaıda (tazartylǵan kúnjit - 36, 654 tonna, pııaz - 16,77 tonna), respýblıka aýmaǵyna mindetti ilespe fıtosanıtarııalyq sertıfıkatsyz ákelingen.
Sondaı-aq, Ózbekstan Respýblıkasynan 501 dana raýshan kesindilerin ákelý kezinde tyıym salynǵan qol júgi arqyly zańbuzýshylyq anyqtaldy.
Sonymen qatar, Ázerbaıdjan Respýblıkasynan 4 tonna shabdalyny ákelý kezinde - shyǵys jemis jemiri karantındik obektiler anyqtaldy, al Ózbekstan Respýblıkasynan 0,627 tonna qurma ákelý kezinde komstok symyry anyqtaldy.
Zańbuzýshylyqqa jol bergen ónim ıeleri ákimshilik jaýapkershilikke tartyldy. Joǵaryda kórsetilgen karantınge jatqyzylatyn ónimderdiń jalpy salmaǵy 88,051 tonna jáne 501 shtýk eksporttaýshy memleketterdiń aýmaǵyna qaıtaryldy.