Qazaqstan karantın rejımin jeńildetýge daıyn
NUR-SULTAN. QazAqparat - Qazaqstan karantın rejımin jeńildetýge daıyn. Bul týraly QR Prezıdenti Qasym-Jomart Toqaevtyń málimdemesinde aıtylǵan, dep habarlaıdy QazAqparat tilshisi.
QR Prezıdenti Tótenshe jaǵdaı rejımin qamtamasyz etý jónindegi Memlekettik komıssııa karantın talaptaryn jeńildetýge daıyn ekendigin aıtty.
«Aldymen, vırýstyń taralýyn qatań baqylaýda ustap otyrǵan oblystar men qalalardan bastaýǵa bolady. Memlekettik komıssııaǵa elordanyń úlgisimen elimizdiń barlyq aımaǵynda óz jumystaryna kirisetin mekemelerdiń tizimin jasaý tapsyryldy. Birinshi kezekte ónerkásip kásiporyndary, qurylys, jol qurylysy jáne kólik kompanııalary, bankter jáne halyqqa qyzmet kórsetý ortalyqtary jumysqa kirisýi kerek», - dedi Memleket basshysy.
Qasym-Jomart Toqaev biraq barlyq sanıtarlyq normalardy saqtap, jumys oryndarynda únemi dezınfektsııa júrgizip turý qajettigin, kúndelikti ómirde áleýmettik ara qashyqtyqty ustanǵan jón ekendigin basa atap ótedi.
«Kásiporyn basshylaryna jáne jergilikti atqarý organdaryna jeke jaýapkershilik júkteledi. Bul oraıda barlyq deńgeıdegi ákimdikterdiń róli aıtarlyqtaı artady», - dedi QR Prezıdenti.
