Qazaqstan Qara teńizge shyǵatyn jol tapty

ASTANA. KAZINFORM – Búgin Potı portynda (Grýzııa) Transkaspıı halyqaralyq kólik baǵytynyń mańyzdy bóligi sanalatyn birinshi qazaqstandyq mýltımodaldy termınal jumysyn bastady.

Nysan Qytaı, Qazaqstan, Kaspıı teńizi, Ázerbaıjan, Grýzııa ári qaraı Eýropa elderin jalǵaıtyn Orta dálizdiń bóligine aınaldy.

Ashylý rásimi Qazaqstan, Grýzııa, Ázerbaıjan ókilderiniń qatysýymen ótti.

«Poti Transterminal» AQ bas dırektory Oljas Aryqbaevtyń sózinshe, termınal ekologııa, órt qaýipsizdigi men ınjenerlik qaýipsizdik boıynsha Grýzııa zańnamalarynyń talaptaryna sáıkes boldy.

Nysanǵa zamanaýı jabdyqtar ornatylǵan. Olar: avstrııalyq rıchtakerler men saǵatyna 25 koneıner óńdeıtin qytaılyq krandar.

Termınaldyń ótkizý qabileti birinshi kezeńde jylyna 120 myń tonnany quraıdy. Bolashaqta bul aýqym keńeıýi múmkin.

QR Kólik mınıstrligi komıteti tóraǵasynyń orynbasary Qasym Tlepovtyń aıtýynsha, termınaldyń iske qosylýy Transkaspıı halyqaralyq kólik baǵyty arqyly júk tasymalyn arttyrýda strategııalyq qadam bolyp tabylady.

- Ótken jyly biz 4,5 mln tonna júk tasymaldadyq, ósim 60% qurady. Aldaǵy úsh jylda ból kórsetkishti jylyna 10 mln-ǵa jetkizýdi josparlap otyrmyz. Potı termınaly Qytaıdan eýropaǵa jóneltiletin júkterdiń negizgi bóligin óńdeýge múmkindik beredi, - dedi ol.

Bul nysannyń jumysynyń alǵashqy ekonomıkalyq tıimdiligin Qazaqstan jartyn jyldan soń-aq sezine bastaıdy.

Osyǵan deıin Qasym-Jomart Toqaevtyń transkaspıı baǵytyn damytýǵa basymdyq beriletinin aıtqany týraly jazdyq.