Qazaqstan Kann festıvalinde D.Ómirbaevtyń «Stýdent» jáne A.Sataevtyń «Jaýjúrek myń bala» fılmderin usynady
ASTANA. 17 mamyr. QazAqparat - Keshe Kann qalasynda 65-shi Halyqaralyq kınofestıval ashyldy. Festıvalda Qazaqstan eki lentany usynýda: Dárejan Ómirbaevtyń «Stýdent» fılmi men Aqan Sataevtyń «Jaýjúrek myń bala» kartınasy.
Janama túrde elimizdi festıvaldiń ashylýyna túıe minip kelip, frantsýz jurtshylyǵyn muqaltqan qııalı tulǵa Sasha Baron Koen jarnamalamaq. Bul týraly óziniń «Komý ı verblıýd nevesta» atty maqalasynda (2012 jylǵy 17 mamyr, №86 (17444) sany) «Ekspress K» gazetiniń jýrnalısti Tımýr Taranchıev jazady.
Bul Borattyń Kann festıvaliniń jurtshylyǵyn epajdaýynyń birinshi oqıǵasy emes. Osylaısha, 2006 jyly ol rásimge er adamdardyń jaǵajaılyq bıkınıin kıip kelgen bolatyn. Osy joly Sasha Baron Koen ózi bas róldi somdaǵan «Dıktator» jańa fılminiń oıdan shyǵarylǵan Aladdın generalynyń beınesinde shyqty. Carlton qonaqúıinen shyǵaberiste ony qysqa beldemshe kıip alǵan amazonka qyzdardyń bir toby kútip turdy. Koen túıesine minip, jaqyn ornalasqan dámhanadan eki kofege tapsyrys berdi - bireýi ózine, ekinshisi búkir dosyna. Budan keıin ol Ralph Lauren býtıgine kirip, túıesine sarǵylt tústi moıynoraǵyshty satyp aldy.
